പത്തനംതിട്ട: യുവാവിനെ വീടിനുള്ളില് കൊല്ലപ്പെട്ട നിലയില് കണ്ടെത്തി. യുവാവിന്റെ ശരീരത്തില് കുത്തേറ്റിട്ടുണ്ട്. കുത്തേറ്റ് ചോര വാര്ന്ന നിലയിലാണ് മൃതദേഹം. പത്തനംതിട്ട കൂടലില് ഇന്ന് രാവിലെയാണ് യുവാവിനെ വീട്ടില് മരിച്ച നിലയില് കണ്ടെത്തിയത്.
കൂടല് സ്വദേശി രാജന് (40) ആണ് മരിച്ചത്. സംഭവത്തിന് പിന്നാലെ അയല്വാസി അനില് ഒളിവില് പോയി. രാജന്റെ അയല്വാസിയായ അനില് ആണ് കുത്തിയതെന്നാണ് പൊലീസ് സംശയിക്കുന്നത്. രാജന് ഒറ്റയ്ക്കാണ് വീട്ടില് താമസം. രാജനും അനിലും മദ്യലഹരിയില് വഴക്കിട്ടശേഷമുണ്ടായ കൊലപാതകമാണെന്നാണ് പൊലീസ് സംശയിക്കുന്നത്.
ഇരുവരും രാത്രി വീട്ടില് വെച്ച് മദ്യപിച്ചശേഷം വഴക്കുണ്ടായതാണ് പ്രാഥമിക വിവരം. ഇതിനുപിന്നാലെ തര്ക്കത്തിനിടെ അനില് രാജനെ കുത്തിയതാണെന്നാണ് സംശയമെന്നും അന്വേഷണം നടക്കുകയാണെന്നും പൊലീസ് പറഞ്ഞു.
