പാലക്കാട്: അശ്ലീല സന്ദേശ വിവാദത്തില് രാഹുല് മാങ്കൂട്ടത്തിലിനെതിരെ പ്രതിഷേധം കടുപ്പിച്ച് ബിജെപി. പാലക്കാട് രാഹുല് മാങ്കൂട്ടത്തിലിന്റെ എംഎല്എ ഓഫീസിലേക്ക് പൂവന്കോഴിയുമായി മഹിളാ മോര്ച്ച പ്രതിഷേധ മാര്ച്ച് നടത്തി. രാഹുല് മാങ്കൂട്ടത്തില് എംഎല്എ സ്ഥാനം രാജിവെക്കണമെന്ന ആവശ്യവും ശക്തമാക്കി ബിജെപി
കോണ്ഗ്രസിന്റെ ആഭ്യന്തര പ്രശ്നമല്ല. കേവലം യൂത്ത് കോണ്ഗ്രസിന്റെ അധ്യക്ഷ സ്ഥാനം മാത്രം രാജിവെച്ചാല് പോരാ. എംഎല്എ സ്ഥാനം രാജിവെപ്പിക്കാനാണ് കോണ്ഗ്രസ് തയാറാകേണ്ടത്. കേരളത്തിലെ സ്ത്രീകള്ക്ക് പുറത്തിറങ്ങി നടക്കാന് കഴിയാത്ത സാഹചര്യമാണ് ഉണ്ടാക്കിയിരിക്കുന്നതെന്ന് സി കൃഷ്ണകുമാര് പറഞ്ഞു.
എംഎല്എ സ്ഥാനം രാജിവെക്കുന്നതുവരെ സമരവുമയി ബിജെപി മുന്നോട്ടുപോകുമെന്ന് കൃഷ്ണകുമാര് പറഞ്ഞു. പാലക്കാട് രാഹുലിനെ കാലുകുത്താന് അനുവദിക്കില്ലെന്നും എംഎല്എയുടെ എല്ലാ പരിപാടികളും തടസപ്പെടുത്തുമെന്നും അദ്ദേഹം വ്യക്തമാക്കി.
