പാലക്കാട്: വിവാഹ അഭ്യര്ത്ഥന നിരസിച്ചതിന് യുവതിയെയും അച്ഛനെയും യുവാവ് വീട്ടില് കയറി വെട്ടി. പാലക്കാട് നെന്മാറയിലാണ് സംഭവം. സംഭവത്തില് മേലാര്കോട് സ്വദേശി ഗിരീഷാണ് അക്രമം നടത്തിയത്. നാലുവര്ഷമായി യുവതിയും ഗിരീഷും തമ്മില് അടുപ്പത്തിലായിരുന്നു. വിദേശത്ത് ജോലിക്ക് പോയി വന്നതിനു ശേഷം ബസ് ഡ്രൈവര് ആയ ഗിരീഷിനെ ഒഴിവാക്കാന് ശ്രമിച്ചതാണ് ആക്രമണത്തിന് കാരണമെന്ന് പൊലീസ് പറയുന്നു. ഇന്നലെ വൈകിട്ട് മദ്യലഹരിയില് എത്തിയ ഗിരീഷ് യുവതിയെയും അച്ഛനെയും വെട്ടുകത്തി കൊണ്ട് വെട്ടുകയായിരുന്നു. ആക്രമണത്തെ തുടര്ന്ന് പരിക്കേറ്റവര് നെന്മാറ സ്വകാര്യ ആശുപത്രിയില് ചികിത്സ തേടി. ആലത്തൂര് പൊലീസ് ് ഗിരീഷിനെ അറസ്റ്റ് ചെയ്തു.
