സുല്ത്താന്ബത്തേരി: വയനാട് മുന് ഡിസിസി ട്രഷറര് എന് എം വിജയന്റെ കുടുംബത്തിന്റെ സാമ്പത്തിക ബാധ്യത ഏറ്റെടുക്കാന് സിപിഎം തയ്യാറെന്ന് എം വി ജയരാജന്. കുടുംബം ആവശ്യപ്പെട്ടാല് അക്കാര്യം പരിഗണിക്കും. സിപിഎം നേതാക്കള് വിജയന്റെ കുടുംബവുമായി ബന്ധപ്പെടുന്നുണ്ടെന്നും അദ്ദേഹം പറഞ്ഞു. ആത്മഹത്യയ്ക്ക് ശ്രമിച്ച എന് എം വിജയന്റെ മരുമകള് പത്മജയെ ബത്തേരിയിലെ ആശുപത്രിയിലെത്തി കണ്ട ശേഷമാണ് എം വി ജയരാജന്റെ പ്രതികരണം. ഗ്രൂപ്പ് തര്ക്കം കോണ്ഗ്രസുകാരുടെ ജീവനെടുക്കുന്നുവെന്ന് എം വി ജയരാജന് വിമര്ശിച്ചു. തട്ടിപ്പുകാരുടെ സംഘമായി കോണ്ഗ്രസ് മാറി. തിരുവഞ്ചൂര് രാധാകൃഷ്ണന് കോണ്ഗ്രസിലെ ഗൂഢ സംഘത്തിന്റെ നടപടിയില് അതൃപ്തിയുള്ള ആളാണെന്നും എം വി ജയരാജന് പറഞ്ഞു.
