തിരുവനന്തപുരം: തുടര്ഭരണത്തിലേക്കുള്ള യാത്രയ്ക്ക് ജനപിന്തുണ ഉറപ്പാക്കാനുള്ള ശ്രമങ്ങളുടെ ഭാഗമായി, പിണറായി വിജയന്റെ നേതൃത്വത്തിലുള്ള സര്ക്കാര് ‘നവകേരള ക്ഷേമ സര്വ്വെ’ എന്ന പേരില് വന്മായ ഒരു ഡാറ്റ ശേഖരണ പദ്ധതിക്ക് തയ്യാറെടുക്കുന്നു. സംസ്ഥാനത്തെ 80 ലക്ഷത്തിലധികം വീടുകളിലെ ജനങ്ങളോട് നേരിട്ട് സംസാരിച്ച് അവരുടെ ആവശ്യങ്ങളും അഭിപ്രായങ്ങളും അറിയുകയാണ് സര്വെയുടെ പ്രധാന ലക്ഷ്യം. ഈ സര്വ്വെയുടെ ഏകോപനവും നിയന്ത്രണവും മുഖ്യമന്ത്രിയുടെ ഓഫീസ് നേരിട്ടായിരിക്കും നടത്തുക . സര്ക്കാര് നടപ്പിലാക്കുന്ന ക്ഷേമ പദ്ധതികളുടെ ഫലപ്രാപ്തിയും, കൂടാതെ ജനങ്ങള് ഇനി സര്ക്കാര് ഇടപെടണം എന്ന് ആഗ്രഹിക്കുന്ന മേഖലകളിലും അവരോട് അഭിപ്രായം ശേഖരിക്കുകായും ചെയ്യും.
സാക്ഷരതാ സര്വെ മാതൃകയില് കോളേജ് വിദ്യാര്ത്ഥികളെ ഉപയോഗിച്ച് വീടുകളില് നേരിട്ട് എത്തിയാണ് വിവര ശേഖരണം നടക്കുന്നത്. ചീഫ് പ്രിന്സിപ്പല് സെക്രട്ടറി കെ എം എബ്രഹാം ഉള്പ്പെടെയുള്ള ഉദ്യോഗസ്ഥരുടെ നേതൃത്വത്തില് ഇതിനായി പ്രത്യേകമായ മൊഡ്യൂളും പരിശീലന പരിപാടികളും ഒരുക്കിയിട്ടുണ്ട്. അടുത്തിടെ പ്രാബല്യത്തില് വന്ന സി എം വിത്ത് മീ പോലുള്ള പിആര് പദ്ധതികള്ക്ക് തുടര്ച്ചയായാണ് ഈ സര്വ്വെ. സര്ക്കാര് ചെലവില് തയാറാക്കുന്ന ഈ പദ്ധതി ഏത് വകുപ്പിന്റെ കീഴിലാണ് നടത്തുന്നത് എന്നതുമായി ബന്ധപ്പെട്ട വിവരങ്ങള് ഇതുവരെ പുറത്തുവന്നിട്ടില്ല.
ലോക്സഭ തിരഞ്ഞെടുപ്പ് അടുത്തിരിക്കെ, ജനങ്ങളിലേക്ക് നേരിട്ടുള്ള സമീപനം ഇടതുമുന്നണിക്കും സര്ക്കാരിനും രാഷ്ട്രീയമായും നേട്ടമാകും. ഈ സര്വ്വെ, സര്ക്കാര് പ്രകടന പത്രിക തയ്യാറാക്കുന്നതിനും അതിന് അടിസ്ഥാനമാവും. ക്ഷേമ പ്രവര്ത്തനങ്ങള് നേരിട്ട് ജനങ്ങളിലെത്തിച്ച്, അതിന്റെ ഫലപ്രാപ്തി വിലയിരുത്താനാണ് ഈ സംയുക്ത ശ്രമം.
