ഡല്ഹി: വായു മലിനികരണം കുറയ്ക്കാന് നിയന്ത്രണങ്ങള് കടുപ്പിച്ച് ഡല്ഹി സര്ക്കാര്. ഡല്ഹിക്ക് പുറത്ത് രജിസ്റ്റര് ചെയ്ത പഴയ ചരക്ക് വാഹനങ്ങള്ക്ക് ഇന്ന് മുതല് വിലക്കേര്പ്പെടുത്തി. ബി എസ് 3 മുതല് താഴേക്കുള്ള വാഹനങ്ങള്ക്കാണ് വായുമലിനീകരണ മേല്നോട്ട സമിതി വിലക്ക് ഏര്പ്പെടുത്തിയത്.
ബി എസ് 6, സി എന് ജി, എല് എന് ജി, ഇ വി ഒഴികെയുള്ള വാണിജ്യ ചരക്ക് വാഹനങ്ങള്ക്ക് ഇന്ന് മുതല് ഡല്ഹിയിലേക്ക് പ്രവേശനമില്ല. ബി എസ് 4 ചരക്ക് വാഹനങ്ങള്ക്ക് അടുത്തവര്ഷം ഒക്ടോബര് 31 വരെ മാത്രമാണ് പ്രവേശനം അനുവദിച്ചത്. ഡല്ഹിയില് വായുമലിനീകരണതോത് ഇന്നും മോശം വിഭാഗത്തില് തുടരുകയാണ്. 237 ആണ് ഇന്ന് രേഖപെടുത്തിയ ശരാശരി എയര് ക്വാളിറ്റി ഇന്ഡക്സ് ( AQI).
