തലശ്ശേരി: മണവാട്ടി ജംഗ്ഷൻ–വടകര ദിശയിലെ ലുലു ഗോൾഡ് വരെയുള്ള റോഡ് കോൺക്രീറ്റ് ചെയ്യുന്ന രണ്ടാംഘട്ട പ്രവൃത്തികൾ നവംബർ 17 മുതൽ ആരംഭിക്കുന്നു. ഇതുമായി ബന്ധപ്പെട്ട് 17-11-2025 തിങ്കളാഴ്ച രാവിലെ 7 മണി മുതൽ ടൗൺ ബാങ്ക് ജംഗ്ഷൻ–മണവാട്ടി ജംഗ്ഷൻ ഇടയിലുള്ള മേലൂട്ട് മഠപ്പുര റോഡ് പൂർണ്ണമായും അടച്ചിടും.

തലശ്ശേരി ബസ് സ്റ്റാൻഡിൽ നിന്ന് മഞ്ഞോടി, പാനൂർ, കടവത്തൂർ, നാദാപുരം ദിശയിലേക്കുള്ള ബസുകൾ സംഗമം ജംഗ്ഷൻ – ടൗൺ ഹാൾ – ടൗൺ ബാങ്ക് റൂട്ടിലൂടെയാണ് പോകേണ്ടത്. മഞ്ഞോടി, പാനൂർ, കടവത്തൂർ, നാദാപുരം ഭാഗങ്ങളിൽ നിന്ന് തലശ്ശേരി ബസ് സ്റ്റാൻഡിലേക്ക് വരുന്ന ബസുകൾ കീഴന്തി മുക്ക് – ചിറക്കര – ടൗൺ ഹാൾ ,സംഗമം ജംഗ്ഷൻ , എൻ.സി.സി റോഡ് വഴിയാണ് പ്രവേശനം.

കീഴന്തി മുക്കിലും ചിറക്കരയിലും പാർക്ക് ചെയ്യുന്ന ഓട്ടോറിക്ഷകൾക്ക് റോഡ് പണി പൂർത്തിയാകുന്നത് വരെ പാർക്ക് ചെയ്യാൻ പാടില്ല. കോഴിക്കോട്–കണ്ണൂർ റൂട്ടിലുള്ള ബസുകൾ ലോഗൻസ് റോഡിലെ വധു ജംഗ്ഷൻ വഴി റോഡ് ചേർന്ന് പുതിയ ബസ് സ്റ്റാൻഡിലൂടെയാണ് പോകേണ്ടത്. മേലൂർ, പിണറായി, അഞ്ചരക്കണ്ടി ഭാഗങ്ങളിൽ നിന്ന് വരുന്ന ബസുകൾ ലോഗൻസ് റോഡ് വധു ജംഗ്ഷൻ എൻ.സി.സി റോഡ് വഴി പുതിയ ബസ് സ്റ്റാൻഡിലേക്ക് പ്രവേശിക്കേണ്ടതാണ്.