പാലക്കാട്: ലൈംഗിക ആരോപണത്തെ തുടര്ന്ന് കോണ്ഗ്രസിന്റെ പ്രാഥമികഅംഗത്തില് നിന്നും പുറത്താക്കിയ രാഹുല് മാങ്കൂട്ടത്തില് വീണ്ടും കോണ്ഗ്രസ് വേദിയില്.
കോണ്ഗ്രസിന്റെ സ്ഥാനാര്ത്ഥി പ്രഖ്യാപന വേദിയിലാണ് രാഹുല് മാങ്കൂട്ടത്തിലെത്തിയത്. പാലക്കാട് കണ്ണാടി മണ്ഡലത്തിലെ കോണ്ഗ്രസ് സ്ഥാനാര്ത്ഥികളുടെ പ്രഖ്യാപന വേദിയിലാണ് രാഹുല് പങ്കെടുത്തത്.
നേരത്തെ കണ്ണാടിയില് സ്ഥാനാര്ത്ഥി നിര്ണയ ചര്ച്ചയില് രാഹുല് പങ്കെടുത്തിരുന്നു. കണ്ണാടി മണ്ഡലം പ്രസിഡന്റ് പ്രസാദ് കണ്ണാടി ഉള്പ്പെടെ നേതാക്കള് ചര്ച്ചയില് പങ്കെടുത്തിരുന്നു.
ആഗസ്റ്റ് 20 നാണ് രാഹുല് മാങ്കൂട്ടത്തിലിനെതിരായ ലൈംഗിക ആരോപണം ഉയര്ന്നുവന്നത്. വിവാദം കടുത്തതോടെയാണ് രാഹുല് മാങ്കൂട്ടത്തിലിനെ കോണ്ഗ്രസ് പാര്ട്ടിയുടെ അംഗത്വത്തില് നിന്ന് സസ്പെന്ഡ് ചെയ്തത്.
എംഎല്എ സ്ഥാനം രാജിവയ്ക്കണമെന്ന ആവശ്യപ്പെട്ട നേതാക്കളും ഉപതെരഞ്ഞെടുപ്പ് ഭീതിയില് അയഞ്ഞതോടെയാണ് സസ്പെന്ഡ് ചെയ്യാനുള്ള തീരുമാനത്തില് പാര്ട്ടി നേതൃത്വം എത്തിയത്.
