ആലപ്പുഴ: വണ്ടാനം ഗവണ്മെന്റ് ഡെന്റല് ആശുപത്രിയില് സീലിങ് അടര്ന്ന് രോഗിയുടെ ദേഹത്ത് വീണു. എക്സ് റേ റൂമിന് മുന്നിലെ ജി ബോര്ഡ് കൊണ്ട് നിര്മിച്ച സീലിങ് ആണ് അടര്ന്നു വീണത്. ഉച്ചയ്ക്ക് 12 മണിയോടെയാണ് സംഭവമുണ്ടായത്.
എക്സ്റേ എടുക്കാന് എത്തിയ ആറാട്ടുപുഴ തറയില് കടവ് സ്വദേശി ഹരിതയ്ക്കാണ് പരിക്കേറ്റത്. ഇവരെ വണ്ടാനം മെഡിക്കല് കോളജ് ആശുപത്രിയില് പ്രവേശിപ്പിച്ചു. പരിക്ക് സാരമുള്ളതല്ല. നേരത്തെ പഴയ കെട്ടിടത്തില് പ്രവര്ത്തിച്ചിരുന്ന ആശുപത്രി ഏതാനും മാസം മുന്പാണ് പുതിയ കെട്ടിടത്തിലേക്ക് മാറ്റിയത്.
മൂന്നു മാസം മുന്പാണ് ഇവിടെ പുതിയ സീലിങ് ഘടിപ്പിച്ചത്. സീലിംഗ് അടര്ന്നു വീണതില് അന്വേഷണം നടത്തുമെന്ന് സൂപ്രണ്ട് അറിയിച്ചു.
