തിരുവനന്തപുരം: ജില്ലാ പഞ്ചായത്ത് പോത്തന്കോട് ഡിവിഷനില് കോണ്ഗ്രസ് പ്രഖ്യാപിച്ചിരുന്ന ട്രാന്സ്ജെന്റര് സ്ഥാനാര്ഥി അമേയ പ്രസാദ് മത്സരിക്കുന്നതില് ആശയക്കുഴപ്പം.
വനിതാ സംവരണ സീറ്റിലാണ് അമേയയെ സ്ഥാനാര്ഥിയാക്കിയിരിക്കുന്നത്. ട്രാന്സ്ജെന്ഡന്റര് സ്ഥാനാര്ത്ഥിക്ക് വനിതാ സംവരണ സീറ്റില് മത്സരിക്കാന് കഴിയില്ലെന്നും ഏതെങ്കിലും ജനറല് സീറ്റിലാണു മത്സരിക്കാന് കഴിയുകയെന്നുമാണു തിരഞ്ഞെടുപ്പു കമ്മിഷന് വ്യക്തമാക്കുന്നത്.
എന്നാല് താന് ട്രാന്സ് വുമന് ആയതിനാല് വനിതാ സംവരണ സീറ്റില് മത്സരിക്കാന് കഴിയുമെന്നാണ് അമേയയുടെ അവകാശവാദം.
നിയമപ്രശ്നം മുന്കൂട്ടി കണ്ട് ഡമ്മി സ്ഥാനാര്ഥിയെന്ന നിലയില് പ്രധാനപ്പെട്ട ഒരു വനിതാ നേതാവിന്റെ കൂടി പത്രിക നല്കാന് തീരുമാനിച്ചതായി ഡിസിസി പ്രസിഡന്റ് എന്.ശക്തന് പറഞ്ഞു.
അമേയയും ഇന്നു പത്രിക നല്കും. ട്രാന്സ്ജെന്റര് കോണ്ഗ്രസിന്റെ സംസ്ഥാന പ്രസിഡന്റാണ് അമേയ. ആലപ്പുഴ ജില്ലാ പഞ്ചായത്തിലെ വനിതാ സംവരണ വാര്ഡായ വയലാറില് ട്രാന്സ്ജെന്ററായ ജെന്ഡറായ അരുണിമ എം.കുറുപ്പിനെയാണു കോണ്ഗ്രസ് മത്സരിപ്പിക്കുന്നത്.
കെപിസിസി അംഗവും കെഎസ്യു സംസ്ഥാന ജനറല് സെക്രട്ടറിയുമാണ് അരുണിമ. നിയമവശം ചര്ച്ച ചെയ്ത് സ്ഥാനാര്ഥിത്വത്തിന്റെ കാര്യത്തില് ഇന്നു തീരുമാനമെടുക്കുമെന്നും ഡമ്മി സ്ഥാനാര്ഥി കൂടി പത്രിക നല്കുമെന്നും ആലപ്പുഴ ഡിസിസി പ്രസിഡന്റ് ബി.ബാബുപ്രസാദ് പറഞ്ഞു.
ട്രാന്സ്ജെന്റര് വിഭാഗത്തിലുള്ളവര് മത്സരിക്കുന്നതിനെ സാങ്കേതികത്വം പറഞ്ഞ് എതിര്ക്കില്ലെന്നാണു സിപിഎമ്മിന്റെ തീരുമാനം. എന്നാല് പരാതിയില്ലെങ്കിലും, തിരഞ്ഞെടുപ്പു കമ്മിഷനു നിയമപരമായ മാനദണ്ഡങ്ങള് സ്വന്തം നിലയ്ക്കു പരിഗണിക്കേണ്ടിവരും.
