സുല്ത്താന്ബത്തേരി: വയനാട്ടില് നിക്ഷേപ തട്ടിപ്പ് നടന്ന ബ്രഹ്മഗിരി ഡെവലപ്പ്മെന്റ് സൊസൈറ്റിക്ക് വീണ്ടും സര്ക്കാര് ധനസഹായം.
സൊസൈറ്റിക്ക് പദ്ധതിയേതരമായി പത്ത് കോടി സഹായം നല്കാനാണ് സര്ക്കാര് ഉത്തരവ്്. ക്ഷീര വികസന വകുപ്പിന്റെ ശക്തമായ എതിര്പ്പ് മറികടന്നാണ് ധനസഹായം അനുവദിച്ചിരിക്കുന്നത്.
10 കോടി രൂപ പ്ലാന് ഫണ്ടായി സൊസൈറ്റിക്ക് നല്കാന് സര്ക്കാര് ശ്രമിച്ചെങ്കിലും എതിര്പ്പിനെ തുടര്ന്ന് ഇത് നടന്നില്ല.
സര്ക്കാര് മുന്പ് നല്കിയ പണം ചെലവഴിച്ചതില് അപാകതയുണ്ടെന്ന് ക്ഷീര വികസന വകുപ്പ് ഓഡിറ്റിങ്ങില് കണ്ടെത്തിയിരുന്നു. ഇപ്പോള് നവീകരണത്തിനെന്ന പേരിലാണ് തുക അനുവദിച്ചിരിക്കുന്നത്.
പണം തിരികെ നല്കണമെന്ന് ആവശ്യപ്പെട്ട് നിക്ഷേപകര് സമരം നടത്തുമ്പോഴാണ് 130 കോടിയോളം നഷ്ടത്തിലുള്ള കമ്പനിക്ക് പത്തു കോടി നല്കുന്നത്.
