കോട്ടയം: രണ്ടു വർഷത്തിനിടെ രാജ്യത്തു ട്രെയിനുകളിൽനിന്നു മോഷണം പോയത് 5,855  ഫോണുകൾ. അതിൽ 3,471 മൊബൈൽ ഫോണുകൾ എവിടെയെന്നു കണ്ടെത്താൻ കഴിഞ്ഞു. അതിൽ 618 ഫോണുകൾ വീണ്ടെടുത്ത് ഉടമസ്ഥർക്കു കൈമാറി. കേന്ദ്ര ടെലികോം മന്ത്രാലയത്തിന്റെ തയാറാക്കിയ കണക്കാണിത്.

ട്രെയിൻ യാത്രയ്ക്കിടെ കാണാതായെന്നു പരാതി ലഭിച്ച മൊബൈൽ ഫോണുകൾ ടെലികോം മന്ത്രാലയം ബ്ലോക്ക് ചെയ്തിട്ടുണ്ട്. ഫോൺ ആക്ടീവായാൽ വിവരം ഉടൻ തന്നെ കേസ് രജിസ്റ്റർ ചെയ്ത സ്റ്റേഷനിലേക്ക് എത്തും. ട്രെയിൻ യാത്രയ്ക്കിടെ ഫോൺ കാണാതയാൽ ഫോണിന്റെ വിവരങ്ങൾ ഉടമസ്ഥന് ceir.gov.in എന്ന പോർട്ടലിൽ റിപ്പോർട്ട് ചെയ്യാം.

മൊബൈൽ ഫോൺ തിരികെ ലഭിച്ചാൽ ബ്ലോക്ക് നീക്കം ചെയ്യാനും പോർട്ടലിൽ സംവിധാനമുണ്ട്.ട്രെയിൻ യാത്രയ്ക്കിടെ ഫോൺ നഷ്ടമായാൽ കോൾ സെന്ററിൽ അറിയിക്കാനും മന്ത്രാലയം സൗകര്യം ഒരുക്കിയിട്ടുണ്ട്. അറിയിക്കേണ്ട നമ്പർ: 139