തൃശ്ശൂർ : കുന്നംകുളം നഗരസഭ ചെയർമാൻ, വൈസ് ചെയർമാൻ, സ്റ്റാൻഡിങ് കമ്മറ്റി ചെയർമാൻമാർ എന്നിവരെ കുന്നംകുളം നഗരസഭ കണ്ടിൻജന്റ് തൊഴിലാളി യൂണിയൻ സിഐടിയു നേതൃത്വത്തിൽ ആദരിച്ചു.
ഭരണസമിതിയുടെ കാലാവധി പൂർത്തിയായ സാഹചര്യത്തിലാണ് തൊഴിലാളികൾ ഉപഹാരത്തോടെ ആദരിക്കൽ നടത്തിയത്. സിപിഐഎം ജില്ലാ കമ്മിറ്റിയംഗം എം.എൻ. സത്യൻ ഉദ്ഘാടനം ചെയ്തു. പി.ജി. ജയപ്രകാശ് അദ്ധ്യക്ഷത വഹിച്ചു.
നഗരസഭ ചെയർമാൻ സീത രവീന്ദ്രൻ, വൈസ് ചെയർമാൻ സൗമ്യ അനിലൻ, സ്റ്റാൻഡിങ് കമ്മറ്റി ചെയർമാൻമാരായ പി.എം. സുരേഷ്, ടി. സോമശേഖരൻ, പി.കെ. ഷബീർ, സജിനി പ്രേമൻ, പ്രിയ സജീഷ്, സിഐടിയു നേതാവ് കെ.എ. അസീസ് എന്നിവർ സംസാരിച്ചു.യൂണിയൻ ജില്ലാ പ്രസിഡണ്ട് എം.കെ. സുനിൽ സ്വാഗതം അറിയിച്ചു. അനിൽ നന്ദി രേഖപ്പെടുത്തി.
