കോഴിക്കോട് : മലപ്പുറം ക്ലാരി പോലീസ് ട്രെയിനിങ് ക്യാമ്പിൽ നിന്ന് പരിശീലനം പൂർത്തിയാക്കിയ 1990 ബാച്ചിലെ അംഗങ്ങൾ ഓർമ്മകൾ പുതുക്കാനായി ബേപ്പൂർ തീരത്ത് ഒത്തുകൂടി. 35 വർഷത്തെ സേവനം പൂർത്തിയാക്കിയവരുടെ ആറാമത് കൂട്ടായ്മയാണ് ബേപ്പൂർ ഗോതീശ്വരം ബീച്ച് റിസോർട്ടിൽ വെച്ച് നടന്നത്. സംസ്ഥാനത്തെ 14 ജില്ലകളിൽ നിന്നുള്ളവരുൾപ്പെടെ 129 പേരാണ് ഈ സംഗമത്തിൽ പങ്കെടുത്തത്.
ദീർഘകാലത്തെ സേവനത്തിനിടയിൽ ലഭിച്ച അനുഭവങ്ങളും സൗഹൃദങ്ങളും പങ്കുവെച്ചുള്ള ഒത്തുചേരൽ എല്ലാവർക്കും നൊസ്റ്റാൾജിയ സമ്മാനിച്ചു.സ്റ്റേറ്റ് കോ-ഓർഡിനേറ്റർ എ. ജോൺ അധ്യക്ഷത വഹിച്ചു. എ. വിശ്വനാഥൻ നമ്പ്യാർ, കെ.കെ. രാജേഷ്, എൻ. രാമകൃഷ്ണൻ, എം.പി. അബൂബക്കർ, കെ. ബാബു, എസ്. ശ്രീകുമാർ, ജി. ശിവപ്രസാദ്, എ. ഷിയാസ്ഖാൻ, സാജൻ കെ. ജോർജ് (എറണാകുളം) എന്നിവർ സംഗമത്തിൽ സംസാരിച്ചു.സി.കെ. ഗിരീശൻ സ്വാഗതം ആശംസിച്ചു.
