അഭിഷേക് നാമ രചിച്ചു സംവിധാനം ചെയ്യുന്ന പാന് ഇന്ത്യന് തെലുങ്ക് ചിത്രമായ ‘നാഗബന്ധ’ത്തിന്റെ ക്ലൈമാക്സ് ഒരുങ്ങുന്നത് ബ്രഹ്മാണ്ഡ ബഡ്ജറ്റില്. ക്ലൈമാക്സ് രംഗമൊരുക്കാനായി മാത്രം 20 കോടി രൂപയാണ് നിര്മ്മാതാക്കള് ചിലവഴിക്കുന്നത്. ഇന്ത്യന് സിനിമയിലെ തന്നെ ഏറ്റവും ചിലവേറിയ ക്ലൈമാക്സ് രംഗങ്ങളില് ഒന്നാണ് ഈ ചിത്രത്തിനായി ഒരുക്കുന്നത്.
എന്ഐകെ സ്റ്റുഡിയോസ്, അഭിഷേക് പിക്ചേഴ്സ് എന്നിവയുടെ ബാനറില് കിഷോര് അന്നപുറെഡ്ഡി, നിഷിത നാഗിറെഡ്ഡി എന്നിവര് ചേര്ന്ന് നിര്മ്മിക്കുന്ന ചിത്രം അവതരിപ്പിക്കുന്നത് ലക്ഷ്മി ഇറയും, ദേവാന്ഷ് നാമയും ചേര്ന്നാണ്. സഹനിര്മ്മാതാവ് താരക് സിനിമാസ്.
ഹൈദരാബാദിലെ രാമനായിഡു സ്റ്റുഡിയോയില് ഒരുക്കിയ വമ്പന് സെറ്റിലാണ് ക്ലൈമാക്സ് ഒരുക്കുന്നത്. പ്രശസ്ത കലാസംവിധായകന് അശോക് കുമാറും ടീമും ചേര്ന്നാണ് ഈ ബ്രഹ്മാണ്ഡ സെറ്റ് ഒരുക്കിയിരിക്കുന്നത്.
അന്താരാഷ്ട്ര സ്റ്റണ്ട് മാസ്റ്റര് കെച്ചയുടെ നേതൃത്വത്തിലാണ് ക്ലൈമാക്സ് സംഘട്ടനം ഒരുക്കുന്നത്. ചിത്രത്തിനായി അശോക് കുമാറും സംഘവും ഒരുക്കിയ വിവിധ ക്ഷേത്രങ്ങളുടെ സെറ്റുകളും പ്രേക്ഷകരെ അമ്പരപ്പിക്കും എന്നാണ് സൂചന.
ക്ലൈമാക്സിനായി ഒരുക്കിയ സെറ്റും ക്ലൈമാക്സ് ചിത്രീകരണവും കണ്ട മാധ്യമ പ്രവര്ത്തകരും അമ്പരന്നു പോയെന്നാണ് അണിയറ പ്രവര്ത്തകര് സൂചിപ്പിക്കുന്നത്. അടുത്തിടെ ചിത്രത്തിലെ ‘ഓം വീര നാഗ’ എന്ന ഗാന ചിത്രീകരണവും അതിനായി നിര്മ്മിച്ച ബ്രഹ്മാണ്ഡ സെറ്റും ശ്രദ്ധ നേടിയിരുന്നു.
ബ്രഹ്മാണ്ഡ വലിപ്പത്തില് നിര്മ്മിച്ച ഒരു ശിവ ക്ഷേത്രത്തിന്റെ സെറ്റിലാണ് ഈ ഗാനം ഒരുക്കിയത്. നേരത്തെ 1000 നര്ത്തകര് പങ്കെടുത്ത മറ്റൊരു ബ്രഹ്മാണ്ഡ ഗാനവും ചിത്രത്തിനായി ഒരുക്കിയിരുന്നു.
കേരളത്തിലെ പ്രശസ്തമായ അനന്ത പദ്മനാഭ സ്വാമി ക്ഷേത്രത്തിന്റെ രൂപത്തില് നിര്മ്മിച്ച ബ്രഹ്മാണ്ഡ സെറ്റില് ആണ് ഈ ഗാനം ചിത്രീകരിച്ചത്.
ചിത്രത്തിനായി വമ്പന് ശാരീരിക പരിവര്ത്തനമാണ് നായകന് വിരാട് കര്ണ്ണ നടത്തിയത്.
ബ്രഹ്മാണ്ഡ സെറ്റുകളില്, അതിശയിപ്പിക്കുന്ന ദൃശ്യങ്ങളോടെ ഒരുങ്ങുന്ന ചിത്രത്തിനായി വമ്പന് തുക ചിലവഴിച്ചു കൊണ്ട് സംവിധായകന്റെ കാഴ്ചപ്പാടിനൊപ്പം പൂര്ണ്ണമായും ചേര്ന്ന് നില്ക്കുകയാണ് ചിത്രത്തിന്റെ നിര്മ്മാതാക്കളായ കിഷോര് അന്നപുറെഡ്ഡി, നിഷിത നാഗിറെഡ്ഡി എന്നിവര്.
ആത്മീയമായ ഒരു കഥ അതിന്റെ എല്ലാ മികവോടെയും അവതരിപ്പിക്കാനുള്ള തയ്യാറെടുപ്പിലാണ് അണിയറ പ്രവര്ത്തകര്.
ചിത്രത്തിലെ വിരാട് കര്ണ്ണ അവതരിപ്പിക്കുന്ന ‘രുദ്ര’ എന്ന കഥാപാത്രത്തിന്റെ ലുക്ക് നേരത്തെ വരികയും ശ്രദ്ധ നേടുകയും ചെയ്തിരുന്നു.
പത്മനാഭസ്വാമി ക്ഷേത്രം, പുരി ജഗന്നാഥ് ക്ഷേത്രം തുടങ്ങിയ ക്ഷേത്രങ്ങളിലെ സമീപകാല നിധി കണ്ടെത്തലുകളില് നിന്ന് പ്രചോദനം ഉള്ക്കൊണ്ട്, ഈ ദിവ്യ സ്ഥലങ്ങളെ ചുറ്റിപ്പറ്റിയുള്ള ആകര്ഷകമായ പുരാണങ്ങളിലേക്കും അവ സംരക്ഷിക്കുന്നതിനായി രൂപകല്പ്പന ചെയ്ത നിഗൂഢമായ ആചാരങ്ങളിലേക്കും ശ്രദ്ധ കേന്ദ്രീകരിച്ചാണ് ചിത്രത്തിന്റെ കഥ ഒരുക്കിയത്.
ഇന്ത്യയിലെ 108 വിഷ്ണു ക്ഷേത്രങ്ങളുമായി ബന്ധപ്പെട്ട നാഗബന്ധത്തെ ചുറ്റിപ്പറ്റിയാണ് ചിത്രത്തിന്റെ കഥ വികസിക്കുന്നത്. ആത്മീയതയും ആവേശകരമായ സാഹസികതയും സംയോജിപ്പിച്ച് ഒരുക്കുന്ന ഈ പാന് ഇന്ത്യന് ആക്ഷന് ചിത്രത്തില് നഭ നടേഷ്, ഐശ്വര്യ മേനോന് എന്നിവര് നായികാ വേഷങ്ങള് ചെയ്യുന്നു.
ചിത്രത്തിലെ മറ്റു പ്രധാന താരങ്ങള് ജഗപതി ബാബു, ജയപ്രകാശ്, മുരളി ശര്മ, ബി എസ് അവിനാശ് എന്നിവരാണ്. വമ്പന് ബഡ്ജറ്റിലൊരുക്കുന്ന ഈ ചിത്രം തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളില് റിലീസ് ചെയ്യും.
ചിത്രീകരണം അവസാന ഘട്ടത്തില് എത്തിയത് കൊണ്ട് തന്നെ, ചിത്രത്തിന്റെ ടീസറുകള്, ബിഹൈന്ഡ് ദ സീന് വീഡിയോകള് എന്നിവയും വൈകാതെ പുറത്തു വരും.
ഛായാഗ്രഹണം- സൌന്ദര് രാജന് എസ് , സംഗീതം- അഭേ, ജുനൈദ് കുമാര്, എഡിറ്റര്- ആര്. സി. പനവ്, സിഇഓ -വാസു പൊടിനി, പ്രൊഡക്ഷന് ഡിസൈനര് – അശോക് കുമാര്, സംഭാഷണങ്ങള്- കല്യാണ് ചക്രവര്ത്തി, കോസ്റ്റ്യൂം ഡിസൈനര്-അശ്വിന് രാജേഷ്, എക്സിക്യൂട്ടീവ് പ്രൊഡ്യൂസര്- അഭിനത്രി ജക്കല്, ആക്ഷന്- വെങ്കട്ട്, വ്ലാഡ് റിംബര്ഗ്, കെച്ച, തിരക്കഥ വികസനം- ശ്ര 1, രാജീവ് എന് കൃഷ്ണ, Vfx: തണ്ടര് സ്റ്റുഡിയോസ്, Vfx സൂപ്പര്വൈസര്-ദേവ് ബാബു ഗാന്ധി (ബുജ്ജി), പബ്ലിസിറ്റി ഡിസൈന് -കാനി സ്റ്റുഡിയോ, പിആര്ഓ – ശബരി
