കണ്ണൂർ: പന്ന്യന്നൂരിൽ വീട്ടുമുറ്റത്തു നിർത്തിയിട്ടിരുന്ന കാർ സ്റ്റാർട്ടാക്കുന്നതിനിടെ തീപിടിച്ച് കത്തി നശിച്ചു. മുതുവാടത്ത് നാസറിൻ്റെ ഉടമസ്ഥതയിലുള്ള മാരുതി സെൻ കാറാണ് (KL-07 AB 121) ഇന്നലെ വൈകീട്ട് ഏകദേശം മൂന്നര മണിയോടെ അപകടത്തിൽപ്പെട്ടത്. കാർ സ്റ്റാർട്ട് ചെയ്യുന്നതിനിടെ ഉടൻതന്നെ തീ ആളിക്കത്തുകയായിരുന്നു. വീട്ടുമുറ്റത്തായിരുന്നതിനാൽ അഗ്നിബാധ മറ്റു കെട്ടിടങ്ങളിലേക്കോ സമീപത്തേക്കോ പടരാതിരുന്നത് വലിയ അപകടം ഒഴിവാക്കി. വിവരമറിയിച്ചതിനെ തുടർന്ന് പാനൂരിൽ നിന്ന് ഫയർ യൂണിറ്റ് സ്ഥലത്തെത്തി തീയണച്ചു. എന്നാൽ കാർ പൂർണ്ണമായും കത്തി നശിച്ചു.അഗ്നിബാധയുടെ കാരണം സംബന്ധിച്ച് കൂടുതൽ അന്വേഷണം നടക്കുകയാണ്.