തൃശൂർ: മങ്ങാട് മാളോർക്കടവ് പ്രദേശത്ത് മദ്യലഹരിയിൽ വീട്ടിൽ കയറി കുപ്പി എറിയുകയും വീട്ടമ്മയെ ഭീഷണിപ്പെടുത്തുകയും ചെയ്ത സംഭവത്തെ കുറിച്ച് ചോദ്യം ചെയ്തതിനെ തുടർന്ന് യുവാക്കളെ പിന്തുടർന്ന് വടിവാളുമായി ആക്രമിക്കാൻ ശ്രമിച്ചുവെന്ന കേസിൽ സിപിഎം പ്രവർത്തകരെ പോലീസ് റിമാൻഡ് ചെയ്തു. മങ്ങാട് കോതോട് വീട്ടിൽ അക്ഷയ്, കുറുമ്പൂർ വീട്ടിൽ മനീഷ് കെ, അജയ്, അഭിഷേക് എന്നിവരാണ് പ്രതികൾ. ഇവർക്കെതിരെ ആക്രമണശ്രമം, ഭീഷണി ഉൾപ്പെടെയുള്ള വകുപ്പുകൾ പ്രകാരം കേസെടുത്തതായി പോലീസ് അറിയിച്ചു.സംഭവവുമായി ബന്ധപ്പെട്ട് കൂടുതൽ അന്വേഷണം പുരോഗമിക്കുകയാണ്.
