തിരുവനന്തപുരം: നിയമസഭ തിരഞ്ഞെടുപ്പിൽ തിരുവനന്തപുരത്ത് പരീക്ഷണത്തിന് നിൽക്കാതെ സിപിഎം. 10 സിറ്റിങ്ങ് എംഎൽഎമാരെ തന്നെ വീണ്ടും മത്സരിപ്പിക്കാൻ സിപിഎം ജില്ലാ സെക്രട്ടറിയേറ്റ് ധാരണയായി. നിർദേശം സംസ്ഥാന നേതൃത്വത്തിന് കൈമാറും. വിജയസാധ്യത പരി​ഗണിച്ചാണ് സിറ്റിങ് എംഎൽഎമാരെ തന്നെ കളത്തിലിറക്കുന്നത്. കടകംപള്ളി സുരേന്ദ്രൻ കഴക്കൂട്ടത്ത് നിന്നും മത്സരിക്കും. ജില്ലാ സെക്രട്ടറി വി ജോയ് വർക്കലയിൽ വീണ്ടും ജനവിധി തേടും. ആറ്റിങ്ങൽ- ഒ.എസ് അംബിക, വാമനപുരം-ഡി.കെ.മുരളി, വട്ടിയൂർക്കാവ്- വി.കെ.പ്രശാന്ത്, നേമം-വി.ശിവൻകുട്ടി, അരുവിക്കര-ജി.സ്റ്റീഫൻ, പാറശ്ശാല-സി.കെ.ഹരീന്ദ്രൻ, കാട്ടക്കട- ഐബി സതീഷ്, നെയ്യാറ്റിൻകര- കെ.ആൻസലൻ എന്നിവരും ജനവിധി തേടും.