തിരുവനന്തപുരം: വിവാദങ്ങള് കൊഴുക്കുന്നതില് മന്ത്രി കെ ബി ഗണേഷ് കുമാറിനെതിരെ സിപിഐഎം കടുത്ത നടപടിയിലേക്കെന്ന് സൂചന. ഭാര്യ ബിന്ദു മേനോന്റെ ആരോപണങ്ങളെ തുടര്ന്നുണ്ടായ സംഭവ വികാസങ്ങള്ക്ക് പിന്നാലെ ഗണേഷ് കുമാര് ഇന്നലെ സിപിഐഎം നേതാക്കളെ ഫോണില് വിളിച്ചിരുന്നു. കുടുംബപരമായ പ്രശ്നങ്ങളാണ് ആരോപണങ്ങള്ക്ക് പിന്നിലെന്ന് മന്ത്രി പറഞ്ഞെങ്കിലും ഗാര്ഹിക പീഡനമകടക്കം ആരോപണങ്ങളുള്ളതിനാല് നിസാരമായി തള്ളിക്കളയാന് പാര്ട്ടിക്കുമാവില്ല.
ഗണേഷ് കുമാറിന്റെ വിശദീകരണം സിപിഐഎമ്മിന് തൃപ്തികരമല്ല. ഈ സാഹചര്യത്തില് കടുത്ത തീരുമാനം പാര്ട്ടി എടുക്കാനാണ് സാധ്യത. തിരഞ്ഞെടുപ്പ് കൂടി അടുത്തിരിക്കുന്ന സാഹചര്യത്തില് ഗണേഷ് രാജിവെക്കണമെന്ന വാദം എല്ഡിഎഫിനുണ്ട്. മുഖ്യമന്ത്രിയെ കണ്ട് കാര്യങ്ങള് ധരിപ്പിക്കാനാണ് ശ്രമം.
