കോഴിക്കോട്: നഗരത്തില് വിനോദസഞ്ചാരികള്ക്കും നാട്ടുകാര്ക്കും നഗരക്കാഴ്ചകള് ആസ്വദിക്കുന്നതിനായി ഡബിള് ഡെക്കര് ബസ് സര്വീസ് ഉദ്ഘാടനം ചെയ്ത് മന്ത്രി മുഹമ്മദ് റിയാസ്. ഉദ്ഘാടനത്തിന് ശേഷം അഹമ്മദ് ദേവര്കാവിലിനൊപ്പം മുഹമ്മദ് റിയാസ് മാവൂര് റോഡ്, മാനാഞ്ചിറ തുടങ്ങിയ സ്ഥലങ്ങളിലൂടെ സിറ്റി റൈഡ് ബസില് റോഡ് ഷോ നടത്തി.
ഇലക്ട്രിക് ബസിന്റെ താഴത്തെ നിലയില് ഏകദേശം 25 പേര്ക്ക് യാത്ര ചെയ്യാന് സൗകര്യമുണ്ട്. മുകള്ഭാഗം (അപ്പര് ഡെക്ക്) തുറന്ന രീതിയിലായതിനാല് നഗരക്കാഴ്ചകള് തടസ്സമില്ലാതെ ആസ്വദിക്കാം. തിരുവനന്തപുരം, മൂന്നാര് ബസ് മാതൃകയില് കോഴിക്കോടിന്റെ ചരിത്രപ്രധാനമായ സ്ഥലങ്ങളായ മാനാഞ്ചിറ, ബീച്ച് റോഡ്, തളിക്ഷേത്രം തുടങ്ങിയ ഇടങ്ങളിലൂടെയാണ് ബസ് സര്വീസ് നടത്തുക.
