തൃശ്ശൂര്: പ്രധാനമന്ത്രി നരേന്ദ്ര മോദി തൃശൂരിലെത്തി. ഇപ്പോള് സ്വരാജ് ഗ്രൗണ്ടില് എന്ഡിഎയുടെ റോഡ് ഷോയില് പ്രധാനമന്ത്രി പങ്കെടുക്കുകയാണ്. പാലക്കാട്ടെ പൊതു സമ്മേളനത്തിന് ശേഷമാണ് മോദി തൃശൂരിലേക്ക് എത്തുന്നത്. കുട്ടനല്ലൂരിലെ അച്യുതമേനോന് കോളജ് ഹെലിപാട് ഗ്രൗണ്ടില് നിന്ന് കാര് മാര്ഗമാണ് നഗരത്തിലെത്തിയത്.
തൃശൂര് ജനറല് ആശുപത്രി പരിസരത്ത് നിന്നാണ് മോദിയുടെ റോഡ് ഷോ ആരംഭിച്ചത്. മോദിക്കൊപ്പം സ്ഥാനാര്ത്ഥികളായ പത്മജ വേണുഗോപാലും സി സി മുകുന്ദനും ഉണ്ടാകും. വന് ആവേശമാണ് മോദിയുടെ റോഡ് ഷോയ്ക്ക് ലഭിക്കുന്നത്. മോദിയെ കാണാനായി പതിനായിരക്കണക്കിന് ആളുകളാണ് രാവിലെ മുതല് ജില്ലയില് എത്തിച്ചേര്ന്നിട്ടുള്ളത്. സ്വരാജ് റൗണ്ടിന്റെ ഇരുഭാഗങ്ങളിലും വന് ജനാവലിയുണ്ട്.
