പാലക്കാട്: തെലങ്കാന മുഖ്യമന്ത്രി രേവന്ത് റെഡ്ഡിക്കെതിരെ രൂക്ഷമായ പരാമര്ശം നടത്തിയ മുഖ്യമന്ത്രി പിണറായി വിജയന് പിന്തുണയുമായി സിപിഎം നേതാവ് പി സരിന്. ഒരു സംസ്ഥാനത്തിന്റെ മുഖ്യമന്ത്രി മറ്റൊരു സംസ്ഥാനത്തിന്റെ മുഖ്യമന്ത്രിയെ തന്റെ ഒഫിഷ്യല് എക്സ് ഹാന്ഡിലില് ഒഫീഷ്യല് ലെറ്റര് ഹെഡില് അഭിസംബോധന ചെയ്ത് എഴുതിയ വരികള്ക്ക് ഇങ്ങനെ മറുപടി പറഞ്ഞാല് പോരാ എന്നാണ് സരിന് ഫേസ്ബുക്കില് കുറിച്ചത്.
‘നീ പോ മോനേ വിജയന്’ എന്നാണ് ലെറ്ററില് ഉണ്ടായിരുന്നത്. ഇതിന് മറുപടിയായാണ് കണ്ണൂര് പ്രസ് ക്ളബ്ബ് നടത്തിയ ജനവിധി 2026 മീറ്റ് ദ ലീഡര് പരിപാടിയില് പങ്കെടുത്തു സംസാരിക്കവെ മുഖ്യമന്ത്രി പിണറായി വിജയന് രൂക്ഷ പ്രതികരണം നടത്തിയത്. ‘ഡാഷ് മോനേ രേവന്താ….’ മറുപടി വരുന്നുണ്ട് എന്നു മാത്രമേ ഇപ്പോള് പറയുന്നുള്ളൂ എന്നായിരുന്നു പിണറായി വിജയന്റെ പ്രതികരണം.
