ആരാധകര് കാത്തിരുന്ന അല്ലു അര്ജുന്-അറ്റ്ലി ചിത്രത്തിന്റെ ഒഫീഷ്യല് പോസ്റ്റര് പുറത്ത്. അല്ലു അര്ജുന്റെ ജന്മദിനം പ്രമാണിച്ചാണ് ഇന്ന് പുറത്ത് വിട്ടത്. മൊട്ടത്തലയും ദേഹമാസകലം രോമവും കൂര്ത്ത നഖങ്ങളും രൂക്ഷമായ നോട്ടവുമായുള്ള അല്ലുവിന്റെ ചിത്രമാണ് പോസ്റ്ററിലുള്ളത്. ആരാധകരെ ആവേശ കൊടുമുടിയില് എത്തിക്കുന്ന ചിത്രത്തിന് ‘രാക്ക’ എന്നാണ് പേര് നല്കിയിരിക്കുന്നത്.
‘പുഷ്പ’യ്ക്ക് ശേഷമുള്ള അല്ലുവിന്റെ ഈ വമ്പന് സിനിമ പ്രപഞ്ചവും മനുഷ്യനും മൃഗവും ഒന്നിക്കുന്ന രീതിയിലുള്ളൊരു രൂപമായിരിക്കുമെന്നും ഏവരേയും ഞെട്ടിക്കുന്നതായിരിക്കുമെന്നാണ് പോസ്റ്റര് സൂചന നല്കിയിരിക്കുന്നത്. സണ് പിക്ചേഴ്സ്, ഐക്കണ് സ്റ്റാര് അല്ലു അര്ജുന്, ബ്ലോക്ക്ബസ്റ്റര് സംവിധായകന് അറ്റ്ലി എന്നിവര് ഒന്നിക്കുന്ന ഈ ചിത്രം ഇന്ത്യന് സിനിമയിലെ തന്നെ ഏറ്റവും വലിയ സഹകരണങ്ങളിലൊന്നാണ്.
