ചെന്നൈ: കൊല്ക്കത്ത നൈറ്റ് റൈഡേഴ്സിനെതിരെ 32 റണ്സിന്റെ മിന്നും ജയവുമായി ചെന്നൈ സൂപ്പര് കിങ്സ്. ചെപ്പോക്കില് ആദ്യം ബാറ്റ് ചെയ്ത് ചെന്നൈ മുന്നോട്ടുവെച്ച 193 റണ്സ് വിജയലക്ഷ്യം പിന്തുടര്ന്ന കൊല്ക്കത്തയ്ക്ക് ഏഴ് വിക്കറ്റില് 160 റണ്സാണ് നേടാനായത്.
നാലോവറില് 21 റണ്സ് മാത്രം വിട്ടുകൊടുത്ത് മൂന്ന് വിക്കറ്റ് നേടിയ നൂര് അഹമ്മദാണ് മത്സരം പിടിച്ചെടുത്തത്. കൊല്ക്കത്ത നിരയില് രമന്ദീപ് സിങ് 35 റണ്സും റോവ്മാന് പവല് 31 റണ്സും അജിങ്ക്യ രഹാനെ 28 റണ്സും അന്ക്രിഷ് രഘുവന്ഷി 27 റണ്സും സുനില് നരെയ്ന് 24 റണ്സും നേടി.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ചെന്നൈ അഞ്ച് വിക്കറ്റ് നഷ്ടത്തിലാണ് 192 റണ്സ് നേടിയത്. 32 പന്തില് മൂന്ന് സിക്സറും നാല് ഫോറുകളും അടക്കം 48 റണ്സ് നേടിയ സഞ്ജു സാംസണ് തന്നെയാണ് ടോപ് സ്കോറര്.
