നിരവധി പോഷക ഗുണങ്ങള് അടങ്ങിയ ഒന്നാണ് ബദാം മില്ക്. ഇതില് വിറ്റാമിന് ഇ, സി, കാല്സ്യം എന്നിവ ധാരാളമായുണ്ട്. കൊളസ്ട്രോള് കുറയ്ക്കാനും ആരോഗ്യകരമായി ശരീരഭാരം കുറയ്ക്കാനും ബദാം മില്ക്ക് സഹായിക്കുന്നു. പശുവിന് പാല് കുടിക്കാന് ഇഷ്ടമില്ലാത്തവര്ക്ക് ധൈര്യമായി പരീക്ഷിക്കാവുന്നതാണ് ബഥാം മില്ക്ക്.
ഇത് ഈസിയായി നമുക്ക് തന്നെ വീട്ടില് ഉണ്ടാക്കാവുന്നതാണ്. വെള്ളത്തില് കുതിര്ത്ത ബദാം നന്നായി അരച്ച ശേഷം അത് നന്നായി പിഴിഞ്ഞെടുത്താണ് ബദാം മില്ക്ക് ഉണ്ടാക്കുന്നത്. ചൂടാക്കിയോ തണുപ്പിച്ചോ കുടിക്കാം. ഇതില് അടങ്ങിയ വിറ്റാമിന് ഇ കോശങ്ങളെ കേടുപാടുകളില് നിന്ന് സംരക്ഷിക്കാന് സഹായിക്കുന്ന ഒരു ശക്തമായ ആന്റിഓക്സിഡന്റ് ആണ്. ചര്മത്തിനും മുടിക്കും വളരെ നല്ലതെന്ന് മാത്രമല്ല പ്രതിരോധശേഷി മെച്ചപ്പെടുത്താനും അത്യാവശ്യം.
