തിരുവനന്തപുരം: യുഡിഎഫ് സർക്കാരിലെ മന്ത്രിമാരെ പ്രഖ്യാപിച്ച് നിയുക്ത മുഖ്യമന്ത്രി വി.ഡി. സതീശൻ. കോൺഗ്രസിന്റെ ചരിത്രത്തിലെ ഏറ്റവും വേഗമേറിയ തീരുമാനമാണെന്ന് പറഞ്ഞാണ് മന്ത്രിമാരുടെ പട്ടിക വി.ഡി. സതീശൻ പുറത്തിറക്കിയത്. ഒപ്പം അർഹതപ്പെട്ട പലരേയും ഉൾക്കൊള്ളിക്കാൻ പറ്റിയില്ലെന്ന ദുഃഖവും അദ്ദേഹം പങ്കുവെച്ചു. ഇപ്പോൾ ഉള്ളവരേക്കാൾ അർഹരായ പലരും പുറത്തുണ്ട്. ചില ധാരണകളുടെ അടിസ്ഥാനത്തിലാണ് ഇപ്പോൾ തീരുമാനമെടുത്തത്. സോഷ്യൽ, റീജിയണൽ ബാലൻസ് പരിഗണിക്കുമ്പോൾ എല്ലാവരെയും പരിഗണിക്കാൻ സാധിച്ചില്ലെന്നും അതിൽ ദുഃഖമുണ്ടെന്നും സതീശൻ കൂട്ടിച്ചേർത്തു.