കൊല്ക്കത്ത: കശാപ്പിനായി കൊണ്ടുപോകുന്ന കന്നുകാലികളുടെ പ്രായം തെളിയിക്കാന് ജനന സര്ട്ടിഫിക്കറ്റ് ഹാജരാക്കണമെന്ന് പശ്ചിമബംഗാളിലെ ഹിംഗല്ഗഞ്ചില് നിന്നുളള ബിജെപി എംഎല്എ രേഖ പത്ര. 14 വയസില് താഴെയുളള കന്നുകാലികളെ അറുക്കാന് പാടില്ലെന്ന് സര്ക്കാര് പുതിയ മാര്ഗനിര്ദേശം. കന്നുകാലികളുമായി പോയ വാഹനം തടഞ്ഞുനിര്ത്തിയാണ് എംഎല്എ വാഹനത്തിലുണ്ടായിരുന്നവരോട് പശുക്കളുടെ ജനന സര്ട്ടിഫിക്കറ്റ് ആവശ്യപ്പെട്ടത്.
ഹിംഗല്ഗഞ്ചിലെ ലെബുഖാലിക്ക് സമീപമാണ് കന്നുകാലികളുമായി പോയ വാഹനം രേഖ പത്രയുടെ നേതൃത്വത്തില് തടഞ്ഞത്. കന്നുകാലികളെ വാഹനത്തില് നിന്ന് ഇറക്കിയ രേഖ അടുത്തുളള മരങ്ങളില് അവയെ കെട്ടിയിട്ടു. ശേഷം അവയ്ക്ക് വൈക്കോലും വെളളവും നല്കി. തുടര്ന്നാണ് കന്നുകാലികളുടെ ജനന സര്ട്ടിഫിക്കറ്റ് ആവശ്യപ്പെട്ടത്.
