തിരുവനന്തപുരം: ഓപ്പറേഷന് തൂഫാന് പിന്നാലെ അഴിമതി തടയാന് ഓപ്പറേഷന് സീറോ വരുന്നു. പദ്ധതിയുടെ രൂപരേഖ വിജിലന്സ് മേധാവി തയാറാക്കി. എഐ ഉപയോഗിച്ച് സര്ക്കാര് ഓഫീസുകള് പൂര്ണ നിരീക്ഷണത്തിലാക്കും. ആഭ്യന്തരമന്ത്രി രമേശ് ചെന്നിത്തല പങ്കെടുക്കുന്ന ഉന്നതതലയോഗത്തില് ചര്ച്ചചെയ്യും. പൊതുപ്രവര്ത്തകരുടെയും സര്ക്കാര് ഉദ്യോഗസ്ഥരുടെയും അഴിമതി തടയുകയാണ് പ്രധാന ലക്ഷ്യം.
നിലവില് ആഭ്യന്തരമന്ത്രി രമേശ് ചെന്നിത്തല പ്രഖ്യാപിച്ച ഓപ്പറേഷന് തൂഫാന്റെ പ്രാഥമിക നടപടിക്രമങ്ങളിലേക്ക് കടക്കുകയാണ്. ജൂണ് ഒന്നുമുതലാണ് ഓപ്പറേഷന് തൂഫാന് ദ നര്ക്കോ ഹണ്ട് എന്ന പേരിലുള്ള ലഹരിവിരുദ്ധ നടപടികളിലേക്ക് പൂര്ണ്ണ തോതില് സര്ക്കാര് കടക്കുക. മയക്കുമരുന്ന് പ്രചരണം ശക്തമാകുന്ന സാഹചര്യത്തിലാണ് മയക്കുമരുന്നിന്റെ വേരറുക്കുക എന്ന ലക്ഷ്യത്തോടെ ഇതിനെതിരെ പുതിയ പദ്ധതി ആരംഭിക്കുന്നത്.
