തൃശ്ശൂർ: കുട്ടികൾക്കും യുവാക്കൾക്കും വിൽക്കാനായി കഞ്ചാവ് സൂക്ഷിച്ച യുവാവിനെ മാള പൊലീസ് അറസ്റ്റ് ചെയ്തു. മാള കനകക്കുന്ന് സ്വദേശി പള്ളിക്കൂട്ടം വീട്ടിൽ പ്രണവ് (21) ആണ് അറസ്റ്റിലായത്. മാള കനകക്കുന്ന് റോഡിന് സമീപം നടത്തിയ പരിശോധനയിലാണ് 55.45 ഗ്രാം കഞ്ചാവുമായി പ്രതി പിടിയിലായത്. കുട്ടികൾക്ക് കഞ്ചാവ് വിൽക്കാൻ സൂക്ഷിച്ചതിന് എൻഡിപിഎസ് നിയമപ്രകാരമുള്ള വകുപ്പുകൾക്ക് പുറമെ ബാലനീതി നിയമത്തിലെ ജാമ്യമില്ലാ വകുപ്പായ സെക്ഷൻ 77 കൂടി ചുമത്തി പൊലീസ് കേസെടുത്തു.

കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മാള പൊലീസ് സ്റ്റേഷൻ എസ്.ഐ അനിൽകുമാർ ഒ.പി, ജിഎസ്.സിപിഒ ജിജീഷ് എം.എസ്, സിപിഒ നിനൽ, ഹോംഗാർഡ് വിനോദ് പി.ടി എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.