കോഴിക്കോട്: മാസപ്പടി കേസിലെ ഇഡി അന്വേഷണത്തിൽ പ്രതികരണവുമായി മന്ത്രി മുഹമ്മദ് റിയാസ് എംഎൽഎ. സിഎംആർഎല്ലും വീണാ വിജയനും തമ്മിലുണ്ടായത് നിയമപരമായ പണമിടപാടാണെന്ന് റിയാസ് പറഞ്ഞു. വീണാ വിജയനിൽ നിന്ന് സേവനം ലഭിച്ചിട്ടില്ലെന്ന് സിഎംആർഎൽ എംഡിയോ മറ്റ് ഉദ്യോഗസ്ഥരോ മൊഴി നൽകിയിട്ടില്ലെന്നും മുഹമ്മദ് റിയാസ് വാർത്താസമ്മേളനത്തിൽ വ്യക്തമാക്കി.
വീണാ വിജയൻ മാസപ്പടി വാങ്ങിയെന്ന തരത്തിൽ ചിത്രീകരിക്കാൻ ബോധപൂർവമായ ശ്രമമാണ് നടക്കുന്നതെന്നും റിയാസ് ആരോപിച്ചു. കേസുമായി ബന്ധപ്പെട്ട് ഇഡി അന്വേഷണം തുടരുന്നതിനിടെയാണ് അദ്ദേഹത്തിന്റെ പ്രതികരണം.
