ആലപ്പുഴ: ഓടിക്കൊണ്ടിരുന്ന ജീപ്പിൽ തീപിടിച്ചു. ചേർത്തല–അരൂക്കുറ്റി റോഡിൽ പള്ളിപ്പുറം ആറാം മൈലിന് സമീപം ഇന്ന് രാവിലെ 11 മണിയോടെയാണ് സംഭവം. എറണാകുളം ഭാഗത്തേക്ക് പോകുകയായിരുന്ന ജീപ്പിൽനിന്നാണ് തീ ഉയർന്നത്. വാഹനത്തിന്റെ ഉൾഭാഗം കത്തിനശിച്ചു. ആർക്കും പരിക്കേറ്റിട്ടില്ല. ചേർത്തലയിൽനിന്ന് എത്തിയ അഗ്നിശമന സേന തീ നിയന്ത്രണവിധേയമാക്കി. ആലപ്പുഴ മുഹമ്മ സ്വദേശിയുടേതാണ് വാഹനമെന്നാണ് പ്രാഥമിക വിവരം. തീപിടിത്തത്തിന്റെ കാരണം വ്യക്തമല്ല.