കോഴിക്കോട്: സസ്പെൻഷനിലായിരുന്ന ഡിവൈഎസ്പി ഉമേഷിനെ സർവീസിൽ തിരിച്ചെടുത്തതിൽ കോഴിക്കോട് കോൺഗ്രസ് നേതൃത്വത്തിൽ അതൃപ്തി. ഉദ്യോഗസ്ഥനെതിരെ കൂടുതൽ നടപടി ഉണ്ടാകുമെന്ന് പ്രതീക്ഷിച്ചിരുന്ന സാഹചര്യത്തിലാണ് തിരിച്ചെടുത്തതെന്ന് കോൺഗ്രസ് നേതാക്കൾ ആരോപിച്ചു.
2025 നവംബർ 30നാണ് അന്ന് വടകര ഡിവൈഎസ്പിയായിരുന്ന ഉമേഷിനെ സസ്പെൻഡ് ചെയ്തത്. പാലക്കാട് ചെർപ്പുളശ്ശേരി സിഐ ബിനു തോമസിന്റെ ആത്മഹത്യാക്കുറിപ്പിൽ പീഡനം സംബന്ധിച്ച പരാമർശം ഉണ്ടായതിനെ തുടർന്നായിരുന്നു നടപടി.
എന്നാൽ സംഭവത്തിൽ പരാതിക്കാരിയായ യുവതി പരാതി നൽകാതിരുന്നതിനാൽ ഉമേഷിനെതിരെ കൂടുതൽ നടപടികൾ ഉണ്ടായില്ലെന്നാണ് വിവരം. വകുപ്പുതല അന്വേഷണം പൂർത്തിയാക്കിയ ശേഷമാണ് ഉമേഷിനെ സർവീസിൽ തിരിച്ചെടുത്തതെന്നാണ് ആഭ്യന്തര വകുപ്പിന്റെ വിശദീകരണം.
അതേസമയം, തിരിച്ചെടുക്കൽ ഉത്തരവിൽ ഉമേഷിനെതിരെ സ്വീകരിച്ച നടപടി എന്താണെന്ന് വ്യക്തമായി വ്യക്തമാക്കിയിട്ടില്ലെന്നും കോൺഗ്രസ് നേതാക്കൾ ചൂണ്ടിക്കാട്ടുന്നു. കോൺഗ്രസ് കുടുംബവുമായുള്ള ബന്ധം ഉപയോഗിച്ച് ഉമേഷ് പാർട്ടിയിലെ ചില നേതാക്കളെ സ്വാധീനിച്ചുവെന്ന ആരോപണവും കോൺഗ്രസ് നേതൃത്വത്തിലെ ഒരു വിഭാഗം ഉന്നയിക്കുന്നുണ്ട്. ഇത്തരം ഇടപെടലുകൾ ഉദ്യോഗസ്ഥനെതിരായ നടപടിയെ സ്വാധീനിച്ചോയെന്നും പരിശോധിക്കണമെന്നാണ് നേതാക്കളുടെ ആവശ്യം.
Finally a platform that feels fair and transparent. Logging in is a breeze and the gameplay is top notch. You can find it at phfairplayphlogin.