തിരുവനന്തപുരം: പിഎസ്‌സി അംഗങ്ങളെ കൂട്ടത്തോടെ പിരിച്ചുവിടാൻ ശുപാർശ ചെയ്ത ഗവർണറുടെ നടപടിയോട് യോജിപ്പില്ലെന്ന് ആർഎസ്പി നേതാവ് ഷിബു ബേബി ജോൺ. ഭരണഘടനാ സ്ഥാപനങ്ങളെ ഇത്തരം നീക്കങ്ങളിലൂടെ തകർക്കുന്നത് അംഗീകരിക്കാനാവില്ലെന്നും അദ്ദേഹം പറഞ്ഞു. മുൻ മുഖ്യമന്ത്രി പിണറായി വിജയനെതിരായ എൻഫോഴ്‌സ്‌മെന്റ് ഡയറക്ടറേറ്റിന്റെ (ഇഡി) അന്വേഷണത്തിലും അദ്ദേഹം വിമർശനം ഉന്നയിച്ചു.
പിഎസ്‌സി അംഗങ്ങളെ പിരിച്ചുവിടാൻ ഭരണഘടനയുടെ ഏത് അധികാരമാണ് ഗവർണർ ഉപയോഗിച്ചതെന്ന് വ്യക്തമല്ലെന്ന് ഷിബു ബേബി ജോൺ പറഞ്ഞു. ഗവർണറുടെ നിലപാടിനോട് ആർഎസ്പിക്ക് യോജിപ്പില്ലെന്നും അദ്ദേഹം വ്യക്തമാക്കി.
