കൊച്ചി: പുനർജനി പദ്ധതിയുമായി ബന്ധപ്പെട്ട് അന്വേഷണം ആവശ്യപ്പെട്ട് ഹൈക്കോടതിയിൽ ഹർജി. വിജിലൻസ് നൽകിയ ക്ലോഷർ റിപ്പോർട്ട് റദ്ദാക്കണമെന്നാണ് ഹർജിയിലെ പ്രധാന ആവശ്യം. കെ.എം. ഷാജഹാനാണ് ഹർജി നൽകിയത്.
പുനർജനി പദ്ധതിയിൽ ക്രമക്കേടുണ്ടെന്ന ആരോപണത്തിൽ ആദ്യത്തെ വിജിലൻസ് റിപ്പോർട്ടിൽ സിബിഐ അന്വേഷണം ശുപാർശ ചെയ്തിരുന്നു. എന്നാൽ പിന്നീട് നൽകിയ റിപ്പോർട്ടിൽ അന്വേഷണം അവസാനിപ്പിക്കുകയാണെന്ന് വിജിലൻസ് അറിയിക്കുകയായിരുന്നു. ഈ റിപ്പോർട്ട് റദ്ദാക്കണമെന്നാണ് ഹർജിക്കാരന്റെ ആവശ്യം.
മണപ്പാട്ട് ഫൗണ്ടേഷനെതിരെ കേന്ദ്ര ഏജൻസി അന്വേഷണം നടത്തണമെന്നും ഹർജിയിൽ ആവശ്യപ്പെട്ടിട്ടുണ്ട്. പ്രതിപക്ഷ നേതാവ് വി.ഡി. സതീശന്റെ വിദേശയാത്രകളെക്കുറിച്ചും വിദേശത്തുനിന്നുള്ള ധനസമാഹരണത്തെക്കുറിച്ചും അന്വേഷണം വേണമെന്നും ഹർജിയിൽ ചൂണ്ടിക്കാട്ടുന്നു.
