കൊച്ചി:കരുവന്നൂര് കള്ളപ്പണ കേസില് സിപിഐഎം തൃശൂര് ജില്ലാ സെക്രട്ടറി എം എം വര്ഗ്ഗീസിന് ഇ ഡി വീണ്ടും സമന്സ് അയച്ചു.ഇന്ന് കൊച്ചിയിലെ എന്ഫോഴ്സ്മെന്റ് ഡയറക്ടറേറ്റ് ഓഫീസില് ചോദ്യം ചെയ്യലിന് ഹാജരാകണമെന്നാണ് നിര്ദേശം.ഇന്നലെ ഹാജരാകാന് നോട്ടീസ് നല്കിയെങ്കിലും എം എം വര്ഗീസ് എത്തിയിരുന്നില്ല. തിരഞ്ഞെടുപ്പ് കഴിയുന്നത് വരെ ഹാജരാകാനാകില്ലെന്ന് വര്ഗ്ഗീസ് ഇഡിയെ അറിയിച്ചിരുന്നു. ഇത് തള്ളിയാണ് ഇന്ന് ഹാജരാകാന് ആവശ്യപ്പെട്ട് ഇഡി നോട്ടീസ് നല്കിയിരിക്കുന്നത്.ബാങ്കിലെ സിപിഐഎം അക്കൗണ്ടിന്റെ വിവരങ്ങള് ഹാജരാക്കാനും ഇഡി ആവശ്യപ്പെട്ടിട്ടുണ്ട്.
മഹീന്ദ്ര ട്രാക്ടേഴ്സ് 40 ലക്ഷം ട്രാക്ടര് യൂണിറ്റുകള് വിറ്റഴിച്ചു
സിപിഐഎം സംസ്ഥാന സെക്രട്ടറിയേറ്റംഗം പികെ ബിജു, തൃശൂര് ജില്ലാ സെക്രട്ടറി എംഎം വര്ഗീസ് എന്നിവരോടായിരുന്നു ഇന്നലെ ഹാജരാകാന് ഇഡി ആവശ്യപ്പെട്ടിരുന്നു.എന്നാല് ഇരുവരും ഇന്നലെ ഹാജരായിരുന്നില്ല.കരുവന്നൂരിലെ രഹസ്യ അക്കൗണ്ടുകള് വഴി 78 കോടി രൂപയുടെ ഇടപാട് നടന്നുവെന്നാണ് ഇഡിയുടെ ആക്ഷേപം.ഇതിനൊപ്പം ബാങ്ക് ഓഫ് ഇന്ത്യ അക്കൗണ്ടുകള് ഉള്പ്പടെ ആദായ നികുതി വകുപ്പ് കണ്ടെത്തിയിരുന്നു.സിപിഐഎമ്മിന്റെ ഇതര അക്കൗണ്ട് വിവരങ്ങളും എം എം വര്ഗീസിനോട് ഇഡി ചോദിച്ചേക്കും.
