മദ്യനയ അഴിമകികേസില് ഡല്ഹി മുഖ്യമന്ത്രി കെജ്രിവാള് നല്കിയ ഹര്ജിയില് സുപ്രീംകോടതി വിധി ഇന്ന.ഇഡിയുടെ അറസ്റ്റും റിമാന്ഡും ചോദ്യം ചെയ്തുളള ഹര്ജിയിലാണ് വിധി പറയുക.അറസ്റ്റ് രേഖപ്പെടുത്തി 24 മണിക്കൂറിന് ശേഷമാണ് കോടതിയില് ഹാജരാക്കിയതെന്നും ഇത് നിയമ വിരുദ്ധമാണ് എന്നുമാണ് അരവിന്ദ് കെജ്രിവാളിന്റെ പ്രധാന ആക്ഷേപം.റിമാന്ഡ് റിപ്പോര്ട്ടിന്റെ പകര്പ്പ് അഭിഭാഷകന് നല്കാതെയാണ് റിമാന്ഡ് ചെയ്തത്.ഇതും നിയമ വിരുദ്ധമാണെന്ന് അരവിന്ദ് കെജ്രിവാള് വാദിച്ചു.
നേരത്ത് ഈ കേസില് വാദം കേട്ട കോടതി കെജ്രിവാളിന്റെ അറസ്റ്റുമായി ബന്ധപ്പെട്ട രേഖകള് ഹാജരാക്കാന് ഇ ഡിയോട് ആവശ്യപ്പെട്ടിരുന്നു. തെളിവുകള് തങ്ങള്ക്ക് മുന്പില് ഹാജരാക്കാനും അവ വിശദമായി പരിശോധിക്കണമെന്ന ആവശ്യവും മുന്നോട്ടുവെച്ചിരുന്നു.ജസ്റ്റിസുമാരായ സഞ്ജീവ് ഖന്ന, ദിപാങ്കര് ദത്ത എന്നിവര് ഉള്പ്പെട്ട ബെഞ്ചാണ് കേസില് വിധി പറയുക.
