ഷോട്ട്പുട്ട് ആണ് എന്റെ മെയിനെന്നായിരുന്നു സീനിയര് പെണ്കുട്ടികളുടെ ഡിസ്കസ് ത്രോയില് സ്വര്ണം നേടിയ ഹെനിന് എലിസബത്തിന്റെ വാക്കുകള്. ഷോട്ട്പുട്ട് മത്സരം ഞായറാഴ്ച നടക്കാനിരിക്കുന്നതേയുള്ളൂ. അതിലും സ്വര്ണത്തില് കുറഞ്ഞൊന്നും ഹെനിന് ചിന്തിക്കാനാവില്ല.
വെറുതെയല്ല ഈ ആത്മവിശ്വാസം, കഴിഞ്ഞ വര്ഷം കുന്നംകുളത്ത് നടന്ന സംസ്ഥാന കായികമേളയില് ജൂനിയര് വിഭാഗത്തില് മത്സരിച്ച ഈ മിടുക്കിക്കായിരുന്നു ഷോട്ട്പുട്ട്, ഡിസ്കസ് ത്രോ ഇനങ്ങളില് സ്വര്ണം. 2019ല് കണ്ണൂരില് നടന്ന സബ് ജൂനിയര് ഷോട്ട്പുട്ടില് റെക്കോഡ് നേടുകയും ചെയ്തിരുന്നു.
34.37 മീറ്ററാണ് ഡിസ്കസ് ത്രോയില് ഈ വര്ഷത്തെ നേട്ടം. കാസര്കോടിനു വേണ്ടി മത്സരിച്ച ഹെനിന് കുട്ടമത്ത് ജി.എച്ച്.എസ്.എസിലെ പ്ലസ് വണ് വിദ്യാര്ഥിനിയാണ്. ഫോര്ട്ടുകൊച്ചി പൊയ്ക്കാരന്പറമ്പില് അബ്രാഹം ജോസഫിന്റെയും ടിഷ മാനുവലിന്റെയും മകളാണ് ഹെനിൻ.
