Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

മഹാരാജാസ് കോളേജിന്റെ ഓട്ടോണമസ് പദവി നീട്ടി നൽകി; യു.ജി.സി ഉത്തരവ് പുറത്ത്

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

തിരുവനന്തപുരം: എറണാകുളം മഹാരാജാസ് കോളേജിന്റെ ഓട്ടോണമസ് പദവി 2029-30 അധ്യയന വർഷംവരെ നീട്ടിയതായി ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു അറിയിച്ചു. 2019-20 മുതൽ 2029-30 വരെയാണ് യു.ജി.സി അംഗീകാരം നൽകിയിരിക്കുന്നത്.

നാഷണൽ ഇൻസ്റ്റിറ്റ്യൂഷൻ റാങ്കിംഗ് ഫ്രെയിംവർക്ക് (NIRF) റാങ്കിംഗിൽ രാജ്യത്തെ മികച്ച കോളേജുകളിൽ 53-ാം സ്ഥാനവും, കേരള ഇൻസ്റ്റിറ്റ്യൂഷൻ റാങ്കിംഗ് ഫ്രെയിംവർക്ക് (KIRF) റാങ്കിംഗിൽ സംസ്ഥാനത്തുള്ള മികച്ച കോളേജുകളിൽ 10-ാം സ്ഥാനവും മഹാരാജാസ് കോളേജ് കരസ്ഥമാക്കിയിട്ടുണ്ട്. എജ്യുക്കേഷൻ വേൾഡ് – ഇന്ത്യ ഹയർ എജ്യുക്കേഷൻ എന്ന സ്വകാര്യ ഏജൻസി നടത്തിയ സർവ്വേയിൽ ഇന്ത്യയിലെ ഗവൺമെൻ്റ് ഓട്ടോണമസ് കോളേജുകളിൽ ഒന്നാം സ്ഥാനവും നേടിയതായി മന്ത്രി അറിയിച്ചു. ഈ സർക്കാരിന്റെ ഭരണകാലത്ത് മഹാരാജാസ് കോളേജിൽ നിരവധി അടിസ്ഥാന സൗകര്യ വികസന പദ്ധതികൾ നടപ്പിലാക്കിയതായും മന്ത്രി വ്യക്തമാക്കി. പുതിയ ഹോസ്റ്റൽ ബ്ലോക്കുകൾ, ഓഡിറ്റോറിയം, സിന്തറ്റിക് ട്രാക്കോടുകൂടിയ നവീകരിച്ച സ്റ്റേഡിയം തുടങ്ങിയവ ഉൾപ്പെടെ കോളേജിന് വലിയ വികസനങ്ങൾ നേടാൻ സാധിച്ചു.

കേരളത്തിലെ അക്കാദമിക-സാംസ്കാരിക രംഗത്ത് മഹാരാജാസ് കോളേജ് അതുല്യമായ സ്ഥാനം കാത്തുസൂക്ഷിക്കുന്നതായി മന്ത്രി ചൂണ്ടിക്കാട്ടി. 2016 മുതൽ വിവിധ അടിസ്ഥാന സൗകര്യ വികസന പദ്ധതികൾ ഇടതുപക്ഷ സർക്കാർ നടപ്പിലാക്കിയതായി അദ്ദേഹം വ്യക്തമാക്കി. പുതിയ അക്കാദമിക് ബ്ലോക്കിന് 10 കോടി, ലൈബ്രറി ബിൽഡിംഗിന് 9 കോടി, ഇൻടീരിയർ വർക്കുകൾക്ക് 3 കോടി, ഓഡിറ്റോറിയം, സ്റ്റാഫ് ഹോസ്റ്റൽ നവീകരണം, കെമിസ്ട്രി സെമിനാർ ഹാൾ നിർമാണം എന്നിവയ്ക്ക് 15 കോടി, പുതിയ ലേഡീസ് ഹോസ്റ്റലിനായി 10 കോടി, ബോയ്സ് ഹോസ്റ്റൽ മെസ് ഹാൾ നവീകരണത്തിനായി 1 കോടി 30 ലക്ഷം, സിന്തറ്റിക് ട്രാക്ക് നിർമാണത്തിന് 7 കോടി, സിന്തറ്റിക് ഹോക്കി ടർഫ് നിർമ്മാണത്തിന് 9 കോടി 53 ലക്ഷം രൂപ എന്നിങ്ങനെയാണ് കോളേജിന്റെ വികസനത്തിനായി സർക്കാർ അനുവദിച്ചിട്ടുള്ളത്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix