കല്പ്പറ്റ:പൊലീസ് കസ്റ്റഡിയിലെടുത്ത ആദിവാസി യുവാവ് സ്റ്റേഷന് ശുചിമുറിയില് തൂങ്ങി മരിച്ച നിലയില് കണ്ടെത്തിയ സംഭവത്തില് മനുഷ്യാവകാശ കമ്മീഷന് സ്വമേധയാ കേസെടുത്ത് അന്വേഷണത്തിന് ഉത്തരവിട്ടു.
വയനാട് ജില്ലാ പൊലീസ് മേധാവി അന്വേഷണം നടത്തി 15 ദിവസത്തിനകം റിപ്പോര്ട്ട് സമര്പ്പിക്കണമെന്ന് കമ്മീഷന് ജുഡീഷ്യല് അംഗം കെ. ബൈജുനാഥ് നിര്ദ്ദേശിച്ചു. പത്രവാര്ത്തയുടെ അടിസ്ഥാനത്തിലാണ് സ്വമേധയാ കേസ് രജിസ്റ്റര് ചെയ്തതിരിക്കുന്നത്.
അമ്പലവയല് നെല്ലാറച്ചാല് പുതിയപാടി വീട്ടില് ഗോകുലിനെയാണ് (18) ചൊവ്വാഴ്ച സ്റ്റേഷനില് തൂങ്ങി മരിച്ച നിലയില് കണ്ടെത്തിയത്. ഫുള്കൈ ഷര്ട്ടൂരി ശൗചാലയത്തിലെ ഷവറില് കെട്ടിത്തൂങ്ങിയ നിലയിലാണ് മൃതദേഹം കണ്ടെത്തിയത്. പ്രായപൂര്ത്തിയാകാത്ത പെണ്കുട്ടിയെ കാണാതായ കേസിലാണ് ഗോകുലിനെ കസ്റ്റഡിയിലെടുത്തത്. കവുങ്ങുകയറ്റതൊഴിലാളിയായിരുന്നു ഗോകുല്. മേയ് മാസത്തില് സുല്ത്താന് ബത്തേരിയില് നടക്കുന്ന സിറ്റിംഗിലാണ് കേസ് പരിഗണിക്കുക
