മഹാബുബാബാദ്: ഒരാൾക്ക് മോർച്ചറിക്കുള്ളിൽ ഒരു ദിവസം മുഴുവൻ കഴിയാൻ സാധിക്കുമോ? തെലുങ്കാനയിലെ മഹാബുബാബാഡ് ഗവൺമെന്റ് ജനറൽ ഹോസ്പിറ്റലിലാണ് സംഭവം. ട്രക്ക് ഡ്രൈവറായ വേന്ദി രാജു എന്ന നാൽപ്പത്തഞ്ചുകാരനാണ് ഈ ദുരനുഭവം ഉണ്ടായത്. എന്നാൽ ആശുപത്രി അധികൃതർ സംഭവം നിഷേധിച്ചു. ഇത്രയും തണുപ്പുള്ള അന്തരീക്ഷത്തിൽ ഒരാൾക്ക് ഒരു രാത്രി മുഴുവൻ കഴിയാൻ സാധിക്കില്ലന്നാണ് അധികൃതർ വ്യക്തമാക്കുന്നത്.
കഴിഞ്ഞ ഒക്ടോബർ മുപ്പതിനായിരുന്നു സംഭവം. ശക്തമായ മഴ സമയത്ത് രാജു മോർച്ചറിയുടെ സമീപ ഭാഗത്തു വീണതാണെന്നും ഇതു കണ്ട ചിലർ ഇയാളെ മോർച്ചറിയുടെ അടുത്തുള്ള ബെഞ്ചിൽ തന്നെ ഇരിക്കാൻ നിർദ്ദേശിക്കുകയായിരുന്നുവെന്നാണ് അധികൃതർ വ്യക്തമാക്കുന്നത്. ഇയാൾ മോർച്ചറിക്ക് ഉള്ളിൽ പെട്ടു പോയില്ലന്നും ഇവർ വ്യക്തമാകുന്നു. സംഭവത്തിൽ പൂർണ്ണമായ അന്വേഷണം നടത്താൻ തെലുങ്കാന ഡയറക്ടർ ഓഫ് മെഡിക്കൽ എഡ്യൂക്കേഷൻ ഉത്തരവിട്ടിട്ടു.
