കൊച്ചി: നടിയെ ആക്രമിച്ച കേസില് സത്യം ഉടന് പുറത്ത് വരണമെന്ന് ശ്വേത മേനോന്. സത്യം പുറത്തുവരുന്നതില് വലിയ കാലതാമസമാണ് വന്നുകൊണ്ടിരിക്കുന്നത്. ഇനിയും വൈകരുതെന്നും അതിജീവിതയും അമ്മയിലേക്ക് തിരിച്ചു വരണമെന്നും ശ്വേത മേനോന് വ്യക്തമാക്കി.
നടിയെ ആക്രമിച്ച കേസ് ഗൗരവമുള്ള വിഷയമാണ്. അതിജീവിതയ്ക്കൊപ്പം എല്ലാവരുമുണ്ട്. കോടതിയിലുള്ള കേസാണ്. എത്രയും പെട്ടെന്ന് വിധി വരട്ടെയെന്നും അതിനായി കാത്തിരിക്കുകയാണെന്നും ശ്വേത മേനോന് പറഞ്ഞു. മെമ്മറി കാര്ഡ് വിഷയവുമായി ബന്ധപ്പെട്ട് പരാതി കിട്ടിയിട്ടില്ലെന്ന് ശ്വേത മേനോന് പറഞ്ഞു. എക്സിക്യൂട്ടീവ് യോഗം കാര്യം ചര്ച്ച ചെയ്യും. താന് ആരുടേയും മൗത്ത് പീസ് ആകില്ല. തനിക് തന്റെ ശബ്ദം ഉണ്ടെന്നും ശ്വേത മേനോന് വ്യക്തമാക്കി.
