കണ്ണൂര്: വിവാഹദിനത്തില് നവവധു അണിഞ്ഞ 30 പവന്റെ ആഭരണങ്ങള് ഭര്ത്തൃവീട്ടിലെ ആദ്യദിവസം തന്നെ മോഷണം പോയി. കരിവെള്ളൂര് പലിയേരിയിലെ എ.കെ.അര്ജുന്റെ ഭാര്യ ആര്ച്ച എസ്.സുധി (27) യുടെ ആഭരണങ്ങളാണ് മോഷണം പോയത്. ഈ മാസം ഒന്നിനായിരുന്നു ഇരുവരും തമ്മിലുള്ള വിവാഹം.
വിവാഹം കഴിഞ്ഞ ശേഷം ഭര്തൃഗൃഹത്തിലെ മുകളിലത്തെ നിലയിലെ കിടപ്പുമുറിയിലെ അലമാരയിലാണ് ആഭരണങ്ങള് സൂക്ഷിച്ചിരുന്നത്. എന്നാല് ഇന്നലെ രാത്രി പരിശോധിച്ചപ്പോള് ആഭരണങ്ങള് കണ്ടില്ല.
ഒന്നാം തീയതി വൈകിട്ട് 6 മണിക്കും 2ന് രാത്രി 9 മണിക്കും ഇടയിലുള്ള സമയത്ത് മോഷണം പോയെന്ന് കാണിച്ചാണ് യുവതി പയ്യന്നൂര് പൊലീസില് പരാതി നല്കിത്. 20 ലക്ഷം രൂപ വിലവരുന്ന ആഭരണങ്ങള് മോഷണം പോയെന്ന പരാതിയില് കേസെടുത്ത പയ്യന്നൂര് പൊലീസ് അന്വേഷണം തുടങ്ങി.
