കൊച്ചി: അമ്പലമുകളിലെ കൊച്ചിന് റിഫൈനറിയിലുണ്ടായ അപകടത്തിന് പിന്നാലെ വിഷ പുക ശ്വസിച്ച 2 പേര് കൂടി ചികിത്സയില് പ്രവേശിച്ചു. കോലഞ്ചേരി മെഡിക്കല് ഹോസ്പിറ്റലിലാണ് ചികിത്സയില് കഴിയുന്നത്. ശ്വാസതടസവും ദേഹസ്വസ്ത്യവും ഉണ്ടായത്തിനെ തുടര്ന്നാണ് ഇവരെ ആശുപത്രികളില് പ്രവേശിപ്പിച്ചത്. ഇന്നലെ രാത്രി ചികിത്സ തേടിയത് 30 ലധികം പ്രദേശവാസികളാണ്.
അപകടത്തിന് പിന്നാലെ പ്രദേശത്താകെ പുകയും ദുര്ഗന്ധവുമുയര്ന്നു. പുക ശ്വസിച്ച പ്രദേശവാസികള്ക്ക് ശ്വാസതടസ്സവും ദേഹാസ്വസ്ത്യവുമുണ്ടായി. അപകടത്തില് ബിപിസിഎല് തൊഴിലാളികള്ക്കും ആരോഗ്യ പ്രശ്നങ്ങളുണ്ടായി. അപകടത്തിന് പിന്നാലെ റിഫൈനറിക്ക് മുന്നില് നാട്ടുകാര് പ്രതിഷേധിച്ചു.
ബിപിസിഎല് അധികൃതര് അപകട മുന്നറിയിപ്പ് നല്കിയില്ലെന്നും സുരക്ഷ മുന്കരുതലുകളില് വീഴ്ച സംഭവിച്ചുവെന്നും ആരോപിച്ചായിരുന്നു പ്രതിഷേധം.ബിപിസിഎല് ഗേറ്റിന് മുന്നിലെ റോഡും പ്രതിഷേധക്കാര് ഉപരോധിച്ചു. പോഞ്ഞാശ്ശേരി- ചിത്രപ്പുഴ റോഡില് പ്രതിഷേധത്തെ തുടര്ന്ന് ഗതാഗതം തടസ്സപ്പെട്ടു. ബെന്നി ബെഹനാന് എം പി,ഡെപ്യൂട്ടി കളക്ടര് തുടങ്ങിയര് നാട്ടുകാരുമായി ചര്ച്ച നടത്തിയ ശേഷമാണ് പ്രതിഷേധം അവസാനിപ്പിച്ചത്. ഇന്ന് ജില്ലാ കളക്ടറുടെ സാന്നിധ്യത്തില് പ്രതിഷേധക്കാരും ബിപിസിഎല് അധികൃതരുമായി ചര്ച്ച നടത്തും.
