വാഷിംഗ്ടണ്: ടെസ്ല സിഇഒയും ശതകോടീശ്വരനുമായ ഇലോണ് മസ്ക് പുതിയ രാഷ്ട്രീയ പാര്ട്ടി പ്രഖ്യാപിച്ചു. ‘അമേരിക്ക പാര്ട്ടി’ എന്നാണ് മസ്കിന്റെ പുതിയ പാര്ട്ടിയുടെ പേര്. മസ്ക് എക്സിലൂടെയാണ് പുതിയ പാർട്ടി പ്രഖ്യാപിച്ചത്. അമേരിക്കന് പ്രസിഡന്റ് ഡോണള്ഡ് ട്രംപുമായുളള ഭിന്നത രൂക്ഷമായതിനു പിന്നാലെയാണ് രാഷ്ട്രീയ പാര്ട്ടി പ്രഖ്യാപനം.
‘ഇന്ന് നിങ്ങളുടെ സ്വാതന്ത്ര്യം തിരികെ നല്കുന്നതിനായാണ് അമേരിക്ക പാര്ട്ടി രൂപീകരിച്ചിരിക്കുന്നത്’-എന്നാണ് മസ്ക് എക്സില് കുറിച്ചത്. അമേരിക്കയ്ക്ക് ഡെമോക്രറ്റിക്ക്, റിപ്പബ്ലിക്ക് പാർട്ടികളല്ലാതെ ഒരു ബദൽ വേണമെന്നും എങ്കിലേ ജനങ്ങൾക്കും ശബ്ദിക്കാനാകൂ എന്നും മസ്ക് നേരത്തെ പറഞ്ഞിരുന്നു.
