തിരുവനന്തപുരം: താര സംഘടനയായ അമ്മ തെരഞ്ഞെടുപ്പിന്റെ മത്സരത്തില് നിന്ന് നടന് ജഗദീഷ് പിന്മാറിയേക്കുമെന്ന് സൂചന. മോഹന്ലാലുമായും മമ്മൂട്ടിയുമായും ജഗദീഷ് സംസാരിച്ചു. അമ്മയുടെ തലപ്പത്ത വനിത വരട്ടയെന്ന നിലപാടിലാണ് ജഗദീഷ്. ഈ സാഹചര്യത്തിലാണ് പ്രസിഡന്റ് സ്ഥാനത്തേക്കുള്ള മത്സരത്തില് നിന്ന് പിന്മാറാന് ജഗദീഷ് ആലോചിക്കുന്നത്. മോഹന്ലാലും മമ്മൂട്ടിയും സമ്മതിച്ചാല് ജഗദീഷ് പത്രിക പിന്വലിക്കും. വനിത പ്രസിഡന്റ് എന്ന നിര്ദേശം വന്നതോടെ അധ്യക്ഷ സ്ഥാനത്തേക്ക് ശ്വേത മേനോന്റെ സാധ്യതയേറി.
അതേസമയം താര സംഘടനയുടെ തെരഞ്ഞെടുപ്പില് നടന് ബാബുരാജ് മത്സരിക്കരുതെന്ന് നടി മല്ലിക സുകുമാരന് ഇന്നലെ വ്യക്തമാക്കിയിരുന്നു. ആരോപണ വിധേയന് മാറിനില്ക്കുകയാണ് വേണ്ടത്. ബാബുരാജ് മത്സരിച്ചാല് പല സംശയങ്ങള്ക്കും ഇടവരും.
‘അമ്മ’യുടെ തെരഞ്ഞെടുപ്പില് പ്രസിഡന്റ് സ്ഥാനത്തേക്ക് ആറ് മത്സരാര്ത്ഥികളാണുള്ളത്. ജഗദീഷ്, ശ്വേത മേനോന്, രവീന്ദ്രന്, ജയന് ചേര്ത്തല, അനൂപ് ചന്ദ്രന്, ദേവന് എന്നിവരാണ് ആ മത്സരാര്ത്ഥികള്.
