വിജയുടെ അവസാന അഭിനയചിത്രമെന്ന നിലയില് ഏറെ പ്രതീക്ഷകളോടെ റീലീസിനൊരുങ്ങുന്ന ‘ജന നായകന്’ എന്ന സിനിമയിലെ രണ്ടാം ഗാനം പുറത്തിറങ്ങി. സംഗീത സംവിധാനം നിര്വഹിച്ചിരിക്കുന്നത് അനിരുദ്ധ് രവിചന്ദറാണ്.
‘ഒരു പേരെ വരലാര്’ എന്ന ഗാനം വിശാല് മിശ്ര, അനിരുദ്ധ് എന്നിവരാണ് ആലപിച്ചിരിക്കുന്നത്.
വിവേകാണ് ഗാനരചന നിര്വഹിച്ചിരിക്കുന്നത്. ആദ്യ സിംഗിളായ ദളപതി കച്ചേരിയ്ക്ക് ലഭിച്ച മികച്ച പ്രതികരണത്തിന് പിന്നാലെയാണ് രണ്ടാം ഗാനം പ്രേക്ഷകരിലെക്കെതുന്നത്.
ജനങ്ങളുടെ നേതാവെന്ന നിലയിലും പോലീസ് ഓഫീസര് എന്ന നിലയിലും വിജയുടെ മാസ്സ് എലമെന്റുകളും രാഷ്ട്രീയ ടച്ചും നിറഞ്ഞ ഗാനത്തിലെ ദൃശ്യങ്ങള് ആരാധകരെ ആവേശത്തിലാഴ്ത്തുകയാണ്.
എച്ച്. വിനോദ് സംവിധാനം ചെയ്യുന്ന ചിത്രം 2026 ജനുവരി 9ന്, പൊങ്കല് റിലീസായി തിയേറ്ററുകളിലെത്തും. വിജയുടെ അഭിനയജീവിതത്തിലെ അവസാന ചിത്രം എന്ന പ്രത്യേകത കൂടി ഉള്ളതിനാല് ‘ജന നായകന്’ ആരാധകരും സിനിമാപ്രേമികളും ഒരുപോലെ കാത്തിരിക്കുന്ന വമ്പന് റിലീസാണ്.
ചിത്രത്തിലെ പ്രധാന റോളുകളില് ബോബി ഡിയോള്, പൂജാ ഹെ?ഗ്ഡെ, പ്രകാശ് രാജ്, ഗൗതം വാസുദേവ് മേനോന്, നരേന്, പ്രിയാമണി, മമിതാ ബൈജു എന്നിവരെത്തുന്നു
വെങ്കട്ട് കെ. നാരായണ ആണ് കെ.വി.എന്. പ്രൊഡക്ഷന്റെ പേരില് ജനനായകന് നിര്മിക്കുന്നത്. ജഗദീഷ് പളനിസ്വാമിയും ലോഹിത് എന്.കെയുമാണ് സഹനിര്മാണം.
ജനനായകന്റെ ഛായാഗ്രഹണം: സത്യന് സൂര്യന്, ആക്ഷന്: അനല് അരശ്, ആര്ട്ട്: വി. സെല്വകുമാര്, എഡിറ്റിങ്: പ്രദീപ് ഇ. രാഘവ്, കൊറിയോഗ്രാഫി: ശേഖര്, സുധന്, ലിറിക്സ്: അറിവ്, കോസ്റ്റിയൂം: പല്ലവി സിംഗ്, പബ്ലിസിറ്റി ഡിസൈനര്: ഗോപി പ്രസന്ന, മേക്കപ്പ്: നാഗരാജ, പ്രൊഡക്ഷന് കണ്ട്രോളര്: വീര ശങ്കര്, പി.ആര്.ഓ: പ്രതീഷ് ശേഖര്.
