മലപ്പുറം: അറബി ഭാഷ പ്രയോഗത്തിന് പുതു ദിശ പകർന്നും പുതിയ ഓളങ്ങൾ സൃഷ്ടിച്ചും താനൂർ ഉപജില്ല അറബി അധ്യാപക കോംപ്ലക്സ് സംഗമം ശ്രദ്ധേയമായി. അധ്യാപക സംഗമം താനൂർ ഉപജില്ലാ വിദ്യാഭ്യാസ ഓഫീസർ പി.വി.ശ്രീജ ഉദ്ഘാടനം ചെയ്തു.സി.എൻ മുജീബ് റഹ്മാൻ അധ്യക്ഷനായി. അറബി ഭാഷാ പ്രയോഗത്തിന്റെ നവോത്ഥാന വഴികൾ എന്ന വിഷയാവതരണത്തിലൂടെ അറബി ഭാഷ ഇൻഫ്ലുവൻസറും അറബിക്ക് അക്കാദമിക് സി.ഇ.ഒയുമായ സഈദ് അരീക്കോട് നടത്തിയപഠന ക്ലാസ്സ് ഭാഷാധ്യാപകർക്ക് നവ്യാനുഭവം സൃഷ്ടിച്ചു.
മലപ്പുറം ഐ എം ഇ ഷൗക്കത്തലി വി മുഖ്യപ്രഭാഷണം നടത്തി.സംഗമത്തിൽ അധ്യാപകർക്കായി സംഘടിപ്പിച്ച അറബി സാഹിത്യ മൽസരത്തിൽകവിതാപാരായണം,അറബി ഗാനം, പ്രസംഗം, പ്രബന്ധം, കവിതാ രചന, സംവാദം, റിപ്പോർട്ടിംഗ്തുടങ്ങിയ ഇനങ്ങളിലായി ധാരാളം അധ്യാപകർ പങ്കെടുത്തു.അധ്യാപക സാഹിത്യ മൽസര വിജയികൾ ജില്ലാ മൽസരങ്ങളിൽ പങ്കെടുക്കും.
അധ്യാപക സംഗമത്തിലെവിവിധ സെഷനുകളിലായി എം.എ റഫീഖ്, റസാഖ് തെക്കയിൽ, പി. സഫീർ,സി.എൻ. യാസിർ പകര, അബ്ദു നാസർ ചെറുമുക്ക്, സി.പി.ഷറഫുദ്ദീൻ, അനസ് ബാബു, നുഹ് മാൻ ഷിബിലി, ഫസൽ തങ്ങൾ, വി.ടി. ലത്തീഫ്, അൻസാർ കളിയാട്ടുമുക്ക് , റഷീദലി, സഫ് വാൻ, പി.അബ്ദുസ്സലാം, സി.എം. അസ്മ, പി. ജസീറ, അസ്മാബി, സൗദ കെ പ്രസംഗിച്ചു.
