പത്തനംതിട്ട: പെരുനാട് ബീവറേജസ് ഡിപ്പോയിലെ മദ്യക്കുപ്പിയിൽ രേഖപ്പെടുത്തിയ വിലക്കാൾ കൂടുതൽ തുക ഈടാക്കിയ മാനേജർക്കെതിരെ പത്തനംതിട്ട ഉപഭോക്തൃ തർക്കപരിഹാര കമ്മിഷൻ നടപടി സ്വീകരിച്ചു. വാലുപുരയിടം സ്വദേശി എ.ടി. ആകാശ് ആണ് പരാതി നൽകിയത്.
650 മില്ലി.ലിറ്റർ ബിയർ കുപ്പിയിൽ രേഖപ്പെടുത്തിയ വില 170 ആയിരുന്നു. എന്നാൽ കൗണ്ടറിലെ ജീവനക്കാർ 180 രൂപ ഈടാക്കിയെന്നാണ് പരാതി.
ബീവറേജസ് കോർപ്പറേഷൻ സ്റ്റോക്കിലെ പഴയ ബിയറുകൾ പുതിയ വിലയിൽ വിൽക്കാനുള്ള സർക്കാർ ഓർഡർ അനുമതി മുന്നോട്ടുവെച്ചെങ്കിലും, കമ്മിഷൻ ഇത് നിയമവിരുദ്ധമാണെന്ന് കണ്ടെത്തി. അന്യായമായി ഈടാക്കിയ 10 രൂപക്ക് നഷ്ടപരിഹാരമായി 15,000 രൂപയും കൂടാതെ കോടതി ചെലവിനായി 10,000 രൂപയും ചേർത്ത് ആകെ 25,010 രൂപ മാനേജർ പരാതിക്കാരന് നൽകണം എന്ന് കോടതി വിധിച്ചു.
