തിരുവനന്തപുരം: ഇന്ത്യയുടെ ലോകകപ്പ് ഹീറോ സഞ്ജു സാംസണ് ജന്മനാട്ടില് തിരിച്ചെത്തി. ഇന്ന് വൈകിട്ട് ആറ് മണിയോടെയാണ് സഞ്ജു തിരുവനന്തപുരത്ത് വിമാനമിറങ്ങിയത്. പ്രിയ താരത്തെ സ്വീകരിക്കാന് ആയിരങ്ങള് വിമാനത്താവളത്തില് തടിച്ചുകൂടിയിരുന്നു.
മന്ത്രി വി ശിവന്കുട്ടി, എംപി എ എ റഹീം എന്നിവരും സഞ്ജുവിനെ സ്വീകരിക്കാന് എത്തിയിരുന്നു. വരും ദിവസങ്ങളില് വലിയ സ്വീകരണങ്ങള് സഞ്ജുവിനെ കാത്തിരിക്കുന്നുണ്ട്. സംസ്ഥാന സര്ക്കാര് ഔദ്യോഗിക സ്വീകരണം നല്കും. തിരുവനന്തപുരത്തായിരിക്കും സ്വീകരണം നല്കുകയെന്ന് ശിവന്കുട്ടി അറിയിച്ചു. നിങ്ങളുടെയെല്ലാം പ്രാര്ത്ഥന കൊണ്ടാണ് ഇത് സാധ്യമായതെന്ന് സഞ്ജു പ്രതികരിച്ചു.
