കാലിക്കറ്റ് സർവകലാശാലയുടെ ഡി സോൺ കലോത്സവ സംഘർഷവുമായി ബന്ധപ്പെട്ട് മൂന്ന് കെഎസ്യു നേതാക്കൾ അറസ്റ്റിൽ.
ആലുവയിൽ നിന്നാണ് മാള പോലീസിസാണ് കെഎസ്യു ജില്ലാ അധ്യക്ഷൻ ഗോകുൽ ഗുരുവായൂർ, സംസ്ഥാന എക്സിക്യൂട്ടീവ് അംഗം സുദേവ്, സംസ്ഥാന ട്രഷറർ സച്ചിൻ എന്നിവരെ പിടികൂടിയത്. ഇന്നലെ സംഘർഷത്തിൽ എസ്എഫ്ഐയുടെ യൂണിറ്റ് സെക്രട്ടറി ഗുരുതരമായി പരിക്കേറ്റ ആഷിക് നിലവിൽ തൃശൂർ മെഡിക്കൽ കോളജിൽ ചികിത്സയിലാണ്.
അവിടെയെത്തി ആഷിഖിൻറെ മൊഴിയെടുത്ത ശേഷമാണ് കെഎസ്യു നേതാക്കളെ അറസ്റ്റ് ചെയ്തത്. അതേസമയം ആക്രമണം തുടങ്ങിവച്ചത് എസ്എഫ്ഐക്കാരാണെന്ന് കാലിക്കറ്റ് യൂണിവേഴ്സിറ്റി ചെയർ പേഴ്സൺ പറഞ്ഞു. എസ്എഫ്ഐക്കാർ അക്രമം നടത്തുന്ന ദൃശ്യങ്ങൾ പുറത്തുവന്നിട്ടില്ല. കലോത്സവം അലങ്കോലപ്പെടുത്തുക എന്ന ഉദ്ദേശത്തോടുകൂടിയായിരുന്നു എസ്എഫ്ഐയുടെ അക്രമമെന്നും ചെയർ പേഴ്സൺ കുറ്റപ്പെടുത്തി.
